Astanalyqtar jumysty mobıldik qosymsha arqyly taba alady

ASTANA. QazAqparat - Endi astanalyqtar Smart Astana mobıldik qosymshasynyń kómegimen jumys berýshiler usynǵan bos oryndardy onlaın kórip, olardy tańdaı alady. Bul týraly elorda ákimdiginiń resmı saıtynda málim etildi, dep habarlaıdy QazAqparat.

Smart Astana tegin mobıldik qosymshasy onlaın rejımde bir mezette birneshe operatsııany júzege asyrýǵa múmkindik beredi. Qalalyq jumyspen qamtý jáne áleýmettik qorǵaý basqarmasynyń málimetinshe, onda usynylǵan 10 aıdarda qyzmettiń 70-ten astam túri qoljetimdi. Budan bylaı atalmysh qosymsha arqyly elordadaǵy bos jumys oryndaryn tabýǵa bolady. Baǵdarlama enbek.kz elektrondy portalymen baılanysta qyzmet atqarady.  Ózekti degen bos jumys oryndary munda da kúndelikti jańartylyp turady. 

Aıta keteıik, Smart Astana qosymshasyn Apple Store jáne Play Market-te júktep alýǵa bolady. Osy ýaqytqa deıin qosymshany 120 myń adam júktegen.