Astanalyqtar júgire júrip qoqys jınaıtyn bolady
NUR-SULTAN. QazAqparat - Nur-Sultan qalasynda júgire júrip qoqys jınaýǵa arnalǵan aktsııa ótedi. Bul týraly elorda ákimdiginiń resmı saıtynda habarlandy.
«Meniń qalam - taza qala» aktsııasyn elorda ákimdiginiń qoldaýymen «Sparta Astana» eko-klýby, «Taza qala úshin» eko-qozǵalysy jáne «Sparta Astana» qozǵalys klýby ótkizedi.
Uıymdastyrýshylardyń aıtýynsha, ploggıng - júgire otyryp qoqys jınaý. Ol bir mezette eki isti jasaýǵa baǵyttalǵan. Birinshiden, bul - fızıkalyq belsendilik, ekinshiden - qorshaǵan ortany qorǵaý. Іs-sharaǵa kez kelgen azamat qatysa alady.
«Bul jerde qatty júgirý nemese márege birinshi jetý mindetti emes. Aktsııaǵa balalar, qarttar, jastar, jalpy qalamyzdy, elimizdi taza, qoqyssyz kórgisi keletinderdiń barlyǵy qatysa aldy», - dep atap ótti uıymdastyrýshylar.
Aktsııaǵa qatysýǵa nıet bildirgender 7 sáýirde tórt jerde jınalady: saǵat 11:00-de - Ortalyq saıabaqta (saǵat aldyndaǵy alańda); saǵat 10:00-de - Botanıkalyq baqta (Túrkistan kóshesine qaraıtyn baqtyń bas kireberisinde); saǵat 10:00-de - Trıatlon-parkte (Mıýzık-holl mańyndaǵy turaqta); saǵat 10:00-de - Keńesary hannyń eskertkishiniń aldynda.
Belgilengen jerlerde olardy belsendiler qarsy alady. Basty shart - árkimde qoqys jınaýǵa arnalǵan pakettiń bolýy. Ploggıng aıasynda eń aýyr, eń kóp qoqys jınaǵan adamdy anyqtaý konkýrsy da uıymdastyrylady. Ár saıabaqta belsendiler jınalǵan qoqysty ólshep eń aýyryn, eń úlkenin anyqtaıtyn bolady. Odan bólek, qoqysty bólip jınaý boıynsha sheberlik-sabaǵy ótedi. Suryptalǵan qoqys birden qaıta óndeýge jóneltiledi.
