Astanalyqtar «Jer ýaqyty» ekologııalyq aktsııasyna atsalysty
ASTANA. QazAqparat-Astana nysandary syrtqa jaryq shamdaryn 1 saǵatqa sóndirdi. Osylaısha, elorda jahandyq «Jer ýaqyty» ekologııalyq aktsııasyna óziniń úlesin qosyp otyr, dep habarlaıdy «QazAqparat» HAA tilshisi.
Bir mezette bas qaladaǵy «Astana opera» ulttyq opera jəne balet teatry, «Astana Báıterek» monýmenti, «Məńgilik El» trıýmfaldy arkasy, Təýelsizdik saraıy, «Haziret Sultan» meshiti, «Astana arena» stadıony tərizdi ǵımarattar men eskertkishter syrtqy jaryq shamdaryn óshirdi.
Estafeta jańadan ashylǵan «MEGA SilkWay» saýda oıyn-saýyq ortalyǵyna tapsyryldy. Osynda «Jer ýaqyty» aktsııasyna arnalǵan saltanatty shara baǵdarlamasynyń ashylýy ótti. Atalmysh shara aıasynda búkil əlem jəne Qazaqstanda qolǵa alynǵan (WWF) Jabaıy tabıǵat dúnıejúzilik qoǵamynyń ekologııalyq bastamasynyń tusaý kesýi ótti. Bıylǵy jyly «Jer ýaqyty-2017» aktsııasynyń Astanadaǵy uıymdastyrýshysy qala əkimdigi, G-Global halyqaralyq hatshylyǵy, Jer qory, «Baıtaq Bolashaq» ekologııalyq alıansy jəne Qazaqstandaǵy BUU Damý baǵdarlamasy boldy.
Aktsııaǵa qala əkiminiń orynbasary Ermek Amanshaev, QR Parlamenti Məjilisiniń 5-6 shaqyrylymyndaǵy depýtaty Aıgúl Soloveva, aqyn, jazýshy, qoǵam jəne saıası qaıratker, «Nevada-Semeı» qozǵalysynyń jetekshisi Oljas Súleımenov, QR Eńbegi sińgen jattyqtyrýshysy Vasılıı Jırov qatysty.
Uıymdastyrýshylar tarapynan kontserttik baǵdarlamalar usynylyp, elimizdiń estrada juldyzdary óner kórsetti.
Eske sala keteıik, «Jer ýaqyty» bul WWF bastamasymen qolǵa alynatyn ǵalamshardaǵy buqaralyq sıpattaǵy ekologııalyq aktsııa. Oǵan əlemniń 175 elindegi 7000 qala men olardyń 2 mıllıardtan astam turǵyny qatysady. Aktsııa barysynda əlemniń ər túkpirinde bir ýaqytta jaryq óshiriledi. Bıyl bul aktsııa onynshy ret uıymdastyrylyp otyr. Qazaqstanda 25 naýryz kúni keshki saǵat 20:30 bastaldy.
