Astanalyqtar jazda rahattanyp demalady
ASTANA. QazAqparat - Bıyl Esil ózeniniń boıyndaǵy saıabaq qurylysy tolyq aıaqtalmaq. Jobaǵa sáıkes, ol ózenniń qos jaǵasynda - №19 kósheden Mırzoıan kóshesine deıin ornalasqan. Saıabaq aýmaǵy 190 ga quraıdy jáne osy sııaqty iri nysandardyń biri bolyp tabylady.
Buǵan deıin bul jerlerde saıajaı alabtary, eski jylyjaı keshenderiniń bir bóligi jáne dýal bolǵan, endi ol qala turǵyndary demalatyn orynǵa aınalmaq. Qazirgi ýaqytta saıajaıdyń Esil ózeniniń sol jaǵalaýyndaǵy bóligin salý jumystary aıaqtaldy. Bul týraly astana.kz saıtyna Energetıka jáne kommýnaldyq sharýashylyq basqarmasynan habarlady.
Bıyl saıabaqtyń oń jaǵalaýdaǵy bóligin abattandyrý kózdelgen. Keıbir jerlerge taqtatastar, asfalt tóseledi, jalpy uzyndyǵy 62 myń metrdi quraıtyn sýarý sý qubyry tartylady, qorshaýlar, jaryqtandyrý quraldary ornatylady. Sonymen qatar, saıabaqty kógaldandyrý jumystary jalǵasyn tabady. 6994 aǵash pen buta otyrǵyzylady, 383 myń sharshy m aýmaqqa gúlzar jasalyp, 947 myń sharshy m jerge ósimdik egiledi.
Saıabaq qurylysy jáne qalalyq mádenıet jáne demalys saıabaǵyn qaıta qurý jumystary elorda turǵyndary men qonaqtaryna jazda rahattanyp demalýǵa múmkindik beredi.
