Astanalyqtar jalpyqalalyq senbilikke shyǵady
ASTANA. QazAqparat - 22 qyrkúıek kúni Astanada jalpyqalalyq senbilik ótedi, dep habarlaıdy QazAqparat.
Elorda ákimdiginen málim etkendeı, senbilikke 2 myńnan astam kásiporyn men uıym, 46 joǵary oqý orny men orta kásiptik oqý mekemesi, 177 orta mektep men jalpy bilim beretin mekeme, 58 densaýlyq saqtaý mekemesi, 146 memlekettik mekeme men uıymdar jáne kásiporyndar, jalpy 72 myń adam qatysady dep kútilýde. Sondaı-aq 520 birlik mamandandyrylǵan tehnıka jumyldyrylmaq.
Ekologııalyq shara barysynda kóshe boılary men trotýarlar, úıaralyq aýdandardy jınaý, nóser torlary men aryq júıelerin tazartý, gúlzarlarda, baqtar men saıabaqtarda jasyl jelekterdi kútip ustaý boıynsha merzimdik is-sharalar júrgizý, sondaı-aq zańsyz jerlerde ornalasqan qoqys úıindilerin jınaý josparlanǵan.
Budan bólek, qalalyq jáne respýblıkalyq mekemelerdiń qatysýymen 12 534 túp aǵash otyrǵyzylatyny kútilýde.
Aıta keteıik, 15 qyrkúıek kúni Astana qalasy «Dúnıejúzilik tazalyq kúni» halyqaralyq ekologııalyq aktsııasyna qosylady. Jalpy oǵan álemniń 150-den astam memleketi jáne 380 mln jýyq erikti qatysady. Aktsııa barysynda jınalǵan barlyq qaldyqtar (aralasqan qaldyqtardan qaıtalama shıkizatty bólek jınaý) suryptalyp, odan ári óńdeý úshin arnaıy zaýytqa tasymaldanady.
Astana qalasynda kúzgi abattandyrý, kógaldandyrý jáne sanıtarlyq tazalaý boıynsha ekologııalyq aılyq 10 qyrkúıek kúni bastalǵan bolatyn. Ol 10 qazanǵa deıin jalǵasady.
