09:53, 17 Tamyz 2023 | GMT +6
Astanalyqtar úı janýarlaryn tegin chıptep, tirkeı alady
ASTANA. QazAqparat – Elorda turǵyndary 2023 jyldyń 1 qyrkúıegine deıin ıtteri men mysyqtaryn tegin chıptep, janýarlardy esepke alýǵa arnalǵan tanba aqparattyq júıesinde tirkeı alady, dep habarlaıdy QazAqparat Astana ákimdiginiń saıtyna silteme jasap.
Elordalyqtar úı janýarlaryn jazdyń sońyna deıin «Astana vetservıste» tegin chıpteı alady. Mekenjaıy: Saryarqa aýdany, S.Muqanov kóshesi, 2/1 (mamandandyrylǵan Halyqqa qyzmet kórsetý ortalyǵy), tel.+7 (747) 623 53 57, +7 (747) 672-85-27.
Jumys ýaqyty: dúısenbi-juma 9:00-den 18:00-ge deıin (túski úzilik: 13:00-14:00), senbi 9:00-den 13:00-ge deıin.
Tirkeýden ótý úshin janýarmen birge kelý, sondaı-aq ózimen birge Mobıldi azamattar bazasynda tirkelgen telefon bolýy qajet.
Astana turǵyndary úı janýarlaryn veterınarııa klınıkalarynda aqyly negizde de tirkeı alady.
Aıta keteıik, «Janýarlarǵa jaýapkershilikpen qaraý týraly» QR Zańyna sáıkes, bıyl 1 qyrkúıekten bastap mysyqtar men ıtterge chıp taǵý jáne olardy arnaıy esepke qoıý mindetti bolady.
