23:42, 29 Shilde 2022 | GMT +6
Astanalyqtar úshin sporttyń 5 túrinen tegin jattyǵýlar ótkizilip jatyr
NUR-SULTAN. QazAqparat - Elordada «Qoljetimdi sport» jobasy aıasynda turǵyndar úshin sporttyń 5 túrinen jattyǵýlar tegin ótkizilip jatyr, dep habarlaıdy QazAqparat qala ákimdiginiń resmı saıtyna silteme jasap.
«Qoljetimdi sport» jobasy boıynsha elorda turǵyndary fıtnes/ıogamen, skandınavııalyq júrispen, ústel tennısimen jáne karatemen aınalysa alady. Jattyǵýdyń bári astanalyqtar úshin tegin ótkiziledi.
Aıta keteıik, sport jattyǵýlary aptasyna 2 ret qala saıabaqtarynda ótkiziledi. Bul rette qatysýshylarmen bilikti jattyqtyrýshylar aınalysady. Fıtnes, júgirý, karate jáne skandınavııalyq serýendeý jattyǵýlaryna tirkelýdiń qajeti joq, belgilengen ýaqytta keste boıynsha kelýge bolady.
Ústel tennısinen sabaqtar zaldarda ótkiziledi, sondyqtan +77076184343 nómirine tirkelý qajet.
Jattyǵý kestesin Instagram jelisindegi @dostupnyi_sport kz paraqshasynan kórýge bolady.
Foto: gov.kz
