Astanalyqtar úshin qaladaǵy 600-den astam sporttyq nysandar óz qyzmetterin usynady
ASTANA. QazAqparat - Astanada eresekter men balalarǵa arnalǵan 600-den astam sporttyq nysandar jumys isteıdi, dep habarlanǵan elorda ákimdiginiń resmı saıtynda.
Onyń ishinde «Astana» sport kesheni kópshilikke basseın men jattyǵý zalyn usynady. Sonymen qatar skalodrom, fýtbol jáne basketbol, voleıbol oınaıtyn alańdardy da jalǵa alýǵa bolady. Sporttyq sektsııalardan kıkboksıng, karate, boks jáne t.b. jumys jasaıdy. Sý sporty túrlerine áýes jandar júzý, sýǵa sekirý, akademııalyq esý, baıdarka men kanoede esý, jelkendi sportqa mamandandyrylǵan «Tolqyn» sporttyq mektebine jazyla alady. Sport keshenderi úshin standartty bolyp tabylatyn júzý, fıtnes, dzıýdo, aıkıdo, djıý-djıtsý, ózin-ózi qorǵaý sııaqty sport túrlerimen «Qazaqstan» sport saraıynda aınalysýǵa bolady. Al «Arys» boks klýby sektsııalar tiziminde erekshe oryn alady, onda toptyq jáne jeke daıyndyq jumystary júrgiziledi. «Alataý» sport kesheninde 10-nan astam sport sektsııalary ashylǵan, atap aıtqanda, munda sheıpıng, ıoga, sporttyq jáne basqa da bı túrleri, akrobatıka, sambo, aıkıdo, karate, kık-boksıng, aýyr atletıkamen aınalysýǵa bolady. «Saryarqa» velotregi 4 jastan asqan balalarǵa kórkem gımnastıkamen aınalysýǵa múmkindik beredi, sonymen qatar bul jerde sýda júzýdi de úırenýge bolady. «Alaý» muz aıdyny saraıynda fıtnespen aınalysýǵa jáne jattyǵý zalynda daıyndalýǵa bolady. Ústel tennısiniń oıynshylaryna ýaqyt shektelmeıdi. Qajymuqan Muńaıtpasov atyndaǵy stadıon aýyr atletıka sektsııasyna 18 jastan bastap, jeńil atletıkaǵa 9 jastan bastap qabyldaıdy. Budan basqa, jaz maýsymynda fýtbol alańy kelem deýshilerdiń barlyǵyna ashyq. «Dáýlet» sport kesheninde úlken tennısten jeke daıyndyqtar júrgiziledi. Kez-kelgen adam qalaǵan ýaqytynda kortty jalǵa ala alady.
