Astanalyqtar Uly Jeńistiń 70 jyldyǵyn atap ótti (FOTO)

ASTANA. QazAqparat - Búgin Astanada «Otan qorǵaýshylar» monýmenti aldyndaǵy alańda Uly Jeńistiń 70 jyldyǵyna arnalǵan merekelik sharalar ótti, dep habarlady qalalyq ákimdiktiń baspasóz qyzmetinen.

Dástúr boıynsha Astanaǵa Jeńis kúnin toılaýǵa barlyq aımaqtardan ardegerler shaqyryldy. Jeńis merekesine 500-ge jýyq UOS ardageri, tyl eńbekkerleri, sonymen qatar, elorda turǵyndary men qonaqtary jınaldy. Merekelik shara aıasynda ardagerler úshin soǵys jyldaryndaǵy ánder shyrqalyp, elordanyń shyǵarmashylyq ujymdary óz ónerlerin ortaǵa saldy. Sonymen qatar, alańda shatyrlar tigilip, maıdangerlerdiń qurmetine merekelik dastarhan jaıyldy. Uly Otan soǵysynyń ardageri, Pavlodar óńirinen kelgen Egor Povlıagın 1943 jyly Mońǵol halyq respýblıkasyna ásker qataryna shaqyrylǵan bolatyn. Ásker Keńes odaǵynyń shyǵys shekarasyn kúzetti. - 1945 jyly Germanııany jeńgennen keıin men Uly Jeńisti Mońǵol jerinde qarsy aldym. Bul biz úshin uly qýanysh edi, áskerılerdiń sol kezdegi qýanyshyn sózben jetkizý múmkin emes, - dep eske alady E. Povlıagın. Ardagerler barsha qazaqstandyqtarǵa bereke men birlik, ashyq aspan men beıbit ómir tiledi. Búgin Uly Jeńistiń 70 jyldyǵynyń qurmetine elordalyqtar úshin halyqtyq serýender men kontserttik baǵdarlamalar uıymdastyrylýda. - Qurmetti ardagerler, búgin, 9 mamyr - Jeńistiń 70 jyldyǵyn toılap jatyrmyz. Shyn júrekten ardagerlerge tileıtinim denderi saý bolsyn, ómirleri uzaq bolsyn, aspanymyz ashyq bolsyn. Tek qana jaqsylyq bolsyn, - dedi Astana qalasy Jumyspen qamtý jáne áleýmettik baǵdarlamalar basqarmasynyń basshysy Lázzat Ábýeva. Aıta keteıik, qazirgi ýaqytta Astana qalasynda 206 UOS ardageri turady.