Astanalyqtar «Túrkııanyń Tıtanıgi» atalyp ketken fılmdi tamashalaı alady
ASTANA. QazAqparat - Astanadaǵy ıÝnýs Emre túrik mádenıet ortalyǵy Túrkııanyń Qazaqstandaǵy Elshiliginiń qoldaýymen «Ertuǵyryl 1890» atty fılmdi kórermenge usynady. Aıta keterligi, jyl basynan beri ıÝnýs Emre ortalyǵy «Aılyq túrik fılmderi» aıasynda úzdik túrik kınotýyndylaryn kórsetip keledi. Shara Qazaqstan men Túrkııanyń dıplomatııalyq baılanysynyń 25 jyldyǵyna arnaıy uıymdastyrylyp otyr. Buǵan deıin «Mahabbat saǵan uqsaıdy», «Sońǵy hat», «Kóbelektiń túsi», «Umytsam sybyrla», «Uzyn hıkaıa», «120» atty kınotýyndylar kórsetilgen bolatyn.
«Ertuǵyryl 1890» fılmi - tarıhı jáne dramalyq janrdaǵy japon jáne túrik prodıýsserleriniń birlesken ortaq kınotýyndysy. Rejısseri Mıtsıoshı Tanaka bolyp tabylatyn fılmde qos eldiń Seıo Ýchıno, Kenan Edje, Shıolı Kýtsýna, Alıjan ıÝdjesoı, Ýgýo Polat, Mehmet Ózgúr, Denız Oral jáne Tamer Levent sııaqty tanymal akterleri ártúrli rólderdi somdaǵan.
Fılmge eki tarıhı oqıǵa kezinde oryn alǵan japon men túrik elderiniń shynaıy dostyǵy arqaý bolǵan. Kınotýyndy 1890 jyly Japonııada teńizge batyp ketken Osman ımperııasynyń fregaty «Ertuǵyryldyń» hıkaıasynan bastalady. Oqıǵa jelisi boıynsha Japon ımperatorynyń Ystanbulǵa saparynan keıin 600-den astam túrik teńiz áskeri Japonııaǵa «Ertuǵyryl» atty kememen bet alǵan bolatyn. Alaıda, qaıtar jolda aýa raıynyń qolaısyzdyǵynan keme jartasqa soǵylyp, apatqa ushyraıdy. Túrik áskerlerine teńizdiń jaǵasynda turatyn qarapaıym japon halqy qol ushyn sozady. Túrkııanyń «Tıtanıgi» atalyp ketken keme apatynan tek 69 áskerı ǵana tiri qalady...
Fılm 1985 jyly Irak-Iran soǵysy kezindegi Tegerandaǵy japon-túrik dostyǵynyń kórinisterimen jalǵasyn tabady. Saddam Hýseın 24 saǵat ishinde Tegeran áýejaıyn bombalaý týraly buıryq beredi. Dál osy kezde Iranda qyzmet etetin 215 japon azamatyn sol kezeńdegi Túrkııa Prezıdenti Turǵut Ózaldyń tapsyrmasymen Túrik áýe joldary qutqarady. Bul oqıǵany qarapaıym jurtshylyq japondardyń «Ertuǵyryl» kemesine kórsetken kómegine túrikterdiń alǵysy retinde qabyldaǵan edi.
«Ertuǵyryl» fılmi 25 qarashada «Kerýen» OSO-da saǵat 17.00-de kórsetiledi. Kirý tegin.
