Astanalyqtar tótenshe jaǵdaı kezinde 5 tele- jáne 5 radıo arnalary arqyly aqparattandyrylady
ASTANA. 31 qańtar. QazAqparat - Tótenshe jaǵdaılar bola qalǵan kezde astanalyq qutqarýshylar turǵyndarǵa 5 telearna
(Habar, Qazaqstan, ORT Eýrazııa, Astana, KTK) jáne 5 radıo arnasy (Astana radıosy, Shalqar radıosy, Retro FM, Avtoradıo, Qazaq radıosy) arqyly habar taratatyn bolady, - dep habarlaıdy vedomstvonyń baspasóz qyzmeti elordanyń resmı saıtyna bergen suhbatynda.
Málim etilgendeı, ALMA-TV jáne DIGITAL TV kabeldi telearnalarynyń taratylymyn toqtatyp, qosylý arqyly 2012 jyly 43 ret, al 2013 jyly 2 ret habar taratyldy.
2012 jyly «Azamattyq qorǵanys jáne tótenshe jaǵdaılardy habarlaý salasynda qyzmettestik týraly kelisimge» qol qoıý negizinde Departament SMS arqyly uıaly telefonnyń 4 júıesi («Mobaıl Telekom Servıs» JShS, «Altel» AQ, «GSM Qazaqstan» JShS, Qazaqtelekom» AAQ, «Kar - Tel» JShS) arqyly turǵyndarǵa habar jetkizdi.
Sondaı-aq, astanalyq turǵyndardy jedel habarlandyrý kezindegi ózara qarym-qatynas týraly Astana qalasy Іshki ister departamenti men Astana qalasy Tótenshe jaǵdaılar departamentiniń ózara is-qımyl jospary daıyndalǵan. Jospar Astana qalasy aýmaǵynda kúrdeli masshtabty tehnogendik nemese tabıǵı salada tótenshe jaǵdaılar jáne basqa da daǵdarysty jaǵdaılar bolǵan kezde dybys kúsheıtkish quraldarymen jabdyqtalǵan Astana qalasynyń ІІD avtokólikterin jumyldyrý arqyly turǵyndarǵa jedel aqparat berý maqsatynda iske qosylady.
