Astanalyqtar tanymal tulǵalardyń 40 jýyq balaýyz músinin tamashalaıdy
ASTANA. QazAqparat - Erteń, 13 shildede Beıbitshilik jáne kelisim saraıynda balaýyz músinder kórmesi ashylady. Kórmege Peterbor balaýyz portret jasaý sheberleriniń 40 jýyq músini qoıylady.
Ataqty bıleýshiler, tarıhı tulǵalar, akterlar, mýltfılm keıipkerleri - osy jáne basqa da kóptegen keıipkerlerdiń fıgýralary astanalyqtardyń nazaryna usynylmaq, dep habarlaıdy astana.kz.
Kelýshiler úshin basqa da tosyn syılar ázirlendi. Adamzat tarıhyndaǵy eń tabysty fýtbolshy Peleniń jáne tanymal boksshy Maık Taısonnyń da balaýyz músinderi jasalǵan.
Kórmede «Ulttyq ań jáne balyq aýlaý», «Juldyzdar soǵysy», «Avatar», «Karıb teńiziniń qaraqshylary», «Saqınalar ámirshisi», «Garrı Potter» jáne t.b. fılmderdiń keıipkerlerin tamashalaýǵa bolady. Budan basqa, mınotavr men sfınks te bar.
Balaýyz músinder kórmesi shildeniń 13-nen tamyzdyń 21-ne deıin kún saıyn saǵat 10.00-den keshki 20.00 deıin jumys isteıdi.
