Astanalyqtar stendtik atýdan QR Kýbogynyń ІІІ kezeńinde júldeli oryndarǵa ıe boldy
ASTANA. 6 tamyz. QazAqparat - Astanada Stendtik atýdan QR Kýbogynyń ІІІ kezeńi jáne Ashyq chempıonaty aıaqtaldy.
Dúbirli dodada elordalyq komanda júldeli oryndarǵa ıe boldy, dep habarlaıdy astana.kz saıty qalalyq Týrızm, dene shynyqtyrý jáne sport basqarmasynyń baspasóz qyzmetine silteme jasap.
Jarysta Almaty, Astana, Ońtústik Qazaqstan, Pavlodar jáne Qostanaı oblystarynyń sportshylary bas qosty. Atap aıtqanda, ardagerler, erler men áıelder, 15 jastan joǵary jasóspirimder.
Synaq eki jattyǵý boıynsha ótkizildi - dóńgelek stend jáne kompakt-sportıng.
«Komandalyq esepte dóńgelek stendte 309 upaımen Astana quramasy top jardy: Aık Avagıan, Sergeı Kachanov jáne Abylaı Amandyqov. Pavlodar oblysynyń quramasy 284 upaımen ekinshi orynda, OQO 277 upaımen úshinshi orynǵa taban tiredi»,- dep habarlady vedomstvodan.
Kompakt-sportıng stend jattyǵýynda tuǵyrǵa Qostanaı oblysynyń sportshylary kóterildi - Vıktor Skrıkelıa, Vıktor Chernobrovın jáne Vladımır Krıger. Jasóspirimder arasynda Astana mene OQO sportshylary júldeli oryndardy ózara bólisti. Astanalyq V.Vasıanın úzdik atandy, al qyzdar arasynda O.Haılova bas júldege ıe boldy.
Komandalyq esepte Qostanaı oblysynyń Rýdnyı-2 quramasy birinshi oryndy enshiledi. Ekinshi jáne úshinshi oryndarda sáıkesinshe, Astana jáne Rýdnyı-1 komandalary.
Bıyl QR Kýbogy jarysynyń aıasynda kompakt-sportıngten Astananyń ashyq chempıonaty ótti. Ardagerler sanatynda (55-ten joǵary) Rýdnyı qalasynyń ókili Evgenıı Vaganov birinshi oryn aldy. Elordalyq Oleg Dokýchaev pen Rýdnyı sportshysy Vladımır Tarasenko ekinshi jáne úshinshi oryndarǵa turaqtady.
QR Kýbogynyń tórtinshi kezeńi qazan aıynda Almatyda ótedi.
