Astanalyqtar Sergeı Bezrýkovtyń «Shynaıy ertegi» fılmin úlken qoshametpen qarsy aldy
TANA. 22 qazan. QazAqparat /Jasulan Amanbaıuly/ - Astanada Sergeı Bezrýkovtyń «Shynaıy ertegi» fılminiń premerasy sátti ótti.
Fılmniń alǵashqy kórsetilimi aıaqtalysymen zaldaǵy kórermender elordadaǵy premeraǵa arnaıy kelgen reseılik akterlik ujymǵa qoshametpen qol soǵyp, ózderiniń jyly iltıpattaryn bildirdi.
Aıta keteıik, Qazaqstanda atalmysh kınokartınany alǵashqy bolyp astanalyqtar tamashalady jáne elordalyq turǵyndar keshe, 21 qazanda ótken fılmniń tusaýkeser kórsetiliminde týyndynyń sıýjeti men pálsapalyq ózegine laıyqty baǵasyn berdi.
Fılmde ertegi keıipkerleri osy álemge sapar shegip, adamdardyń boıynan meıirimdilik, qaıyrymdylyq qasıetterin qaıta oıatýǵa tyrysady.
Premera aldynda baspasóz máslıhatyn ótkizgen Reseıdiń Halyq ártisi S. Bezrýkovtyń aıtýynsha, ol ertegi keıipkerleriniń búgingi zaman adamdaryna degen renishterin jetkizýge tyrysqan. Sebebi qazirgi ýaqytta balalar men olardyń ata-analary ańyz keıipkerlerin umyta bastaǵan. Olar qoldaryna ertegi kitaptaryn alyp, oqymaıdy. Halyqtyq ertegilerin Gollıvýdtyń pokemndary, djedaılary, hobbıttary almastyrǵan.
«Osylaısha oqyp, estip ósken burynǵy meıirimi mol ertegilerdi, olardyń keıipkerlerin qaıta alyp kelgim keldi», - deıdi ol. Ol úshin ajaly joq Kaşeı (Leonıd ıArmolnık) - patrıot olıgarhqa, Dana Vasılısa (Irına Bezrýkova) - muǵalimge, Orman perisi (Georgıı Shtıl) - qańǵybasqa, Aqymaq Ivan (Sergeı Bezrýkov) - áýe desantshy áskerıge aınalady.
«Fılmde óte salmaqty tustar kezdesedi, keıde tipti kórermendermen oıly ári baısaldy suhbat júretin jerleri de bar. Bul óte mańyzdy, sebebi ertegi tek kóńil kóterýge arnalmaǵan, halyq ertegileriniń barlyǵy oılanýǵa, pálsapasyn uǵýǵa arnalǵan. Keıin ol týraly balalarmen áńgimelesip, túsindirý úshin shyǵarylǵan», - dep atap ótti S. Bezrýkov.
Fılm 2 jyl boıy akterdiń jeke qarajatyna túsirildi. «Shynaıy ertegi» kınoprokatqa 3 qarasha kúni shyǵady.
