Astanalyqtar psıhologııalyq kómek kabınetteriniń járdemine júgine alady
ASTANA. QazAqparat - №3 qalalyq emhana fılıalynyń bazasynda shuǵyl psıhologııalyq kómek kabınetiniń mamandary pedagogtar men ata-analardy jasóspirimderdiń rýhanı-psıhologııalyq jaǵdaıyn muqııat baqylaýǵa jáne túıtkildi máselelerin sheshýde kómektesýge shaqyrady.
Qabyldaýǵa jazylýǵa arnalǵan baılanys telefony: 54-70-53. Shuǵyl psıhologııalyq kómek kabıneti saǵat 09:00-15:00 aralyǵynda jumys isteıdi, dep habarlanǵan elorda ákimdiginiń resmı saıtynda. Astana qalasy Densaýlyq saqtaý basqarmasynyń habarlaýynsha, eresek adamdarǵa da shuǵyl psıhologııalyq kómek kórsetiledi. Qabyldaýdy №4 qalalyq emhana bazasynda dáriger psıhıatr júrgizedi. Baılanys telefony: 51-88-42. Turǵyndar Astana qalasynyń psıhologııalyq densaýlyq máseleleriniń medıtsınalyq ortalyǵynda psıhologııalyq keńes ala alady, onda 54-76-03 telefony boıynsha táýlik boıy daǵdarystyq bólim jumys isteıdi. Osy nómirge kez-kelgen ýaqytta habarlasyp, ózińizdi mazalaǵan máselemen bólise alasyzdar. Sonymen qatar qalalyq emhanalardyń janynan ashylǵan ondaǵan jastar densaýlyq ortalyǵynda tegin anonımdi senim telefondary qyzmet etedi. Jastar densaýlyq ortalyqtarynda jasóspirimderge keshendi medıtsınalyq-psıhologııalyq, áleýmettik jáne quqyqtyq kómek kórsetiledi. Budan basqa, jastar artterapııa sabaqtaryna, bilim jáne oqytý trenıngterine qatysa alady. Osylaısha, astanalyq psıholog mamandar, psıhıatr dárigerler sýıtsıdke beıim, kúızeliske ushyraǵan adamdarǵa shuǵyl psıhologııalyq kómek kórsetedi.
