Astanalyqtar PIK-te ýaqytsha tirkeýden ótetin boldy
ASTANA. QazAqparat - Erteńnen bastap elorda turǵyndary pəter ıeleri kooperatıvteri ǵımarattarynda elektrondyq qoltańbany alyp, ýaqytsha tirkeýdi rásimdeı alady. Bul týraly málimet «Azamattarǵa arnalǵan úkimet» memlekettik korporatsııasy baspasóz qyzmetinen taratyldy, dep habarlaıdy QazAqparat.
HQKO qyzmetkerleri PIK turǵyndaryna saǵat 9.00-den 18.30 aralyǵynda (13.00-den 14.00-ge deıin úzilis) qyzmet kórsetedi.
Atap aıtqanda, jeksenbi kúni saǵat 8.00-den 15.00-ge deıin oblystyq jáne Astana men Almaty HQKO-lary jumys isteıdi.
«Azamattarǵa arnalǵan úkimet» memlekettik korporatsııasy» KE AQ fılıaly - Memlekettik qyzmetterdi kórsetý dırektsııasynyń dırektory Ásemgúl Baltashevanyń sózine qaraǵanda, PIK ǵımarattarynda qyzmet kórsetý týraly usynysty ázirge elordanyń úsh páter ıeleri kooperatıvteri qoldady. Olardyń qatarynda «Gúlder», «Báıterek» jáne «Nurbeket» PIK-teri bar.
«Osy turǵyn úı keshenderinde 22 kóp páterli úıler ornalasqan, ıaǵnı úsh myńǵa jýyq páter bar. Bul rette azamattar tarapynan ońtaıly jaýap bolady degen úmittemiz. Qazirgi kezde Qazaqstannyń ózge qalalaryndaǵy PIK-termen kelissózder júrgizip jatyrmyz»,-dedi Baltasheva.
