Astanalyqtar «Ózen áýenderi» klassıkalyq mýzykasyn tamashalaýda
ASTANA. 7 shilde. QazAqparat - Elordanyń 15 jyldyq mereıtoıyna oraı Astanada «Ózen áýenderi» dástúrli klassıkalyq keshteri ótýde.
Bul týraly elordadaǵy merekelik is-sharalardyń resmı saıty habarlady.
Keıingi bes jylda «Ózen áýenderi» klassıkalyq mýzyka keshi elorda úshin tek dástúrge aınalyp ǵana qoıǵan joq, mýzykanttar men mýzyka áýesqoılarynyń saǵyna kútetin mádenı oqıǵalarynyń biregeıi desek artyq aıtqandyq emes.
Sahna dástúr boıynsha Esil ózeniniń ústinde ornatylady. Osy jyly onyń beınesi eki jaqqa ashýly baqalshyqty eske túsiredi. Bul úlgi merekelik keshke romantıkalyq tartymdylyq bereri sózsiz. Ár kesh saıyn kontsertten keıingi ýaqytta sahna 3D-mapping stılindegi beınelerdi jobalaıtyn nysanǵa aınalady.
Ótken jyldary Esil ózeniniń ústine ornatylǵan qalqymaly sahnada sımfonıkalyq mýzykanyń eń bir keremet biregeı kontsertteri qoıylyp, balettik spektaklder men opera óneriniń jaýharlary oryndaldy.
