Astanalyqtar ózderiniń saılaý ýchaskeleri týraly málimetti onlaın rejimde ala alady
ASTANA. QazAqparat - Saılaýshylar tizimin anyqtaý jáne olardy belsendirý maqsatynda Astana qalasy ákimdigi turǵyndarǵa óz saılaý ýchaskesi týraly málimetter alý múmkindigin usynady, dep habarlaıdy elorda ákimdiginiń baspasóz qyzmetinen.
Saılaýshylar tizimin anyqtaý úshin Astana qalasy ákimdigi turǵyndarǵa naqty ýaqyt rejiminde kelesi mekenjaılar arqyly óz saılaý ýchaskesi týraly málimetter alý múmkindigin usynady: Astana qalalyq ákimdiginiń baılanys ortalyǵynyń 55-66-55 telefony boıynsha - táýlik boıy avtomatty rejimde JSN terý arqyly jáne jumys kúnderi saǵat 9.00-20.00 aralyǵynda, demalys nemese mereke kúnderi saǵat 10.00-20.00 aralyǵynda operatorlarmen baılanysý arqyly; Astana qalasy ákimdiginiń «elektrondy qyzmetter» veb-portalynyń e.astana.kz mekenjaıy boıynsha «Saılaý ýchaskesin izdeý» bóliminde nemese astana.gov.kz veb-portalynyń «Paıdaly siltemeler» bólimi arqyly; Buǵan qosa, ákimdik maps.astana.kz/election saıtynda saılaý ýchaskesi shekaralary men ortalyqtaryn qaraý múmkindigin usynady.
Azamattyń belgili bir saılaý ýchaskesiniń saılaýshylar tizimine qosylýy úshin turǵan jeri boıynsha osy saılaý ýchaskesiniń aýmaǵynda tirkelgeni negizge alynady. Mekenjaı málimetterin tirkeý, túzetý jáne tekserý úshin egov.kz elektrondy úkimet portalynyń «Azamattar → Azamattyq, mıgratsııa jáne ımmıgratsııa → Turǵyndardy tirkeý jáne tirkeý esebinen shyǵarý» bólimi boıynsha nemese Halyqqa qyzmet kórsetý ortalyǵyna habarlasý qajet.
