Astanalyqtar óz qalasyna fotokúlkisin tartý etedi
ASTANA. 11 tamyz. QazAqparat - Jastar saıasaty máseleleri basqarmasy elordada Halyqaralyq jastar kúnine oraı «Astanaǵa kúlki syıla!» aýqymdy aktsııasyn uıymdastyrady, dep habarlaıdy astana.kz saıty.
12 tamyzda barsha álemde Halyqaralyq jastar kúni atap ótiledi. BUU Bas Assambleıasy 1999 jyly 17 jeltoqsanda Jastar isteri jónindegi mınıstrlerdiń Búkilálemdik konferentsııasynyń usynysymen bul kúndi mereke kúni retinde belgiledi. Halyqaralyq jastar kúni 2000 jyly 12 tamyzda alǵash ret atap ótildi.
Astanalyq jastar da jyl saıyn atalmysh merekeni toılaıdy.
Bıyl 12 tamyzda Astana qalasy Jastar saıasaty máseleleri basqarmasy «Barsha Qazaqstanǵa 2000 kúlki syıla» uranymen «Astanaǵa kúlki syıla!» jastar aktsııasyn uıymdastyrady.
Іs-sharanyń maqsaty - qoǵamda áleýmettik belsendilik qalyptastyrý jáne jastar men jasóspirimderdiń shyǵarmashylyqqa degen qyzyǵýshylyǵyn arttyrý. Іs-shara tańerteń saǵat 10.00 bastalady. Erikti stýdentter elorda turǵyndarynyń jarqyn kúlkilerin sýretke túsiredi.
«Aktsııaǵa eline kúlki syılaǵysy keletin kez kelgen jastaǵy azamat qatysa alady. Osylaısha, ol memlekettik saıasatqa qoldaý kórsetip, týǵan elin Jastar kúnimen quttyqtaıdy. Basty mindet - saǵat 10.00-12.00 aralyǵynda barlyq astanalyqtar men qala turǵyndarynyń 2 myń kúlkisin jınaý bolyp tabylady», - deıdi uıymdastyrýshylar.
Aktsııa saǵat 17.00 «Ajar» SOO (Astana Mall) saltanatty kontserttik baǵdarlamamen aıaqtalady. Eń jarqyn kúlki ıelerine estelik syılyqtar men maqtaý qaǵazdary tabys etiledi. Qazaq estradasynyń jas ánshileri men bı toptary óz ónerlerin ortaǵa salady, «Kúlińiz!» dep atalatyn fleshmob aktsııasy, sýretter konkýrsy jáne t.b. ótedi.
