Astanalyqtar Otbasy kúnin qalaı atap ótedi
Elorda ákimdiginiń aqparatyna sáıkes, merekege oraı qala kitaphanalarynda «Otbasy – Ónege aınasy» atty kitap kórmesi, oqýshylar saraıynda «Meniń Otbasym» atty fotokórme, al qalalyq emhanalarda Ashyq esik kúnderi ótedi.
6 qyrkúıekte qalanyń barlyq mektepterinde «Otbasy – Baqyt mekeni» synyp saǵattary, sondaı-aq otbasy taqyrybynda shyǵarma men esse jazýdan baıqaýlar uıymdastyryldy.
Sonymen qatar osy kúni «Urpaq tárbıesindegi otbasylyq qundylyqtar» taqyrybynda «Ata-analar klýby» qalalyq dıalog alańynyń 3-shi maýsymynyń ashylýy ótti. Shara jaqynda ashylǵan «Januıa» ortalyǵynda boldy. Munda bir-birinen bólek turatyn ata-analar úshin psıhologııalyq konsýltatsııalar (sotqa deıingi retteý) uıymdastyryldy.
Saryarqa aýdanynyń AHAT bóliminde 55 jáne odan da kóp jyl nekede turǵan erli-zaıyptylar qurmet kórsetildi. Al elordalyq balalar úıinde tárbıelenýshilerdiń sany bir nemese birneshe balaǵa azaıady. Sebebi munda jańa patronattyq otbasy qurylatyn bolady. Al №3 Perınataldyq ortalyqta jańa týǵan nárestelerdi saltanatty túrde tirkeý júrgiziledi.
Sondaı-aq 6-7 qyrkúıekte M. Ótemisov atyndaǵy Oqýshylar saraıynyń qyzmetkerleri arasynda otbasylyq fotosýretter festıvali ótedi.
7 qyrkúıekte «Qazaqstan» ortalyq kontsert zalynda elimizdiń Tuńǵysh Prezıdenti bekitken «Mereıli otbasy» ulttyq baıqaýynyń jeńimpazdary men júldegerleri anyqtalady.
Kelesi kúni «Jastar» saraıynda «Densaýlyq qalashyǵy» bastaý alyp, aktsııa aıasynda anımatorlar men qýyrshaqtardyń qatysýymen kontserttik baǵdarlama, sondaı-aq otbasylyq saıys ótkiziledi.
10 qyrkúıekte «Januıa» ortalyǵynda áıelder kóshbasshylyǵy mektebi, sonymen qatar mamandar ýchaskelik ınspektorlarǵa arnalǵan semınar-trenıng ótkizedi.
Kúndiz № 2 óner mektebi «Biz baqytty otbasy balalarymyz» atty kontserttik baǵdarlamaǵa shaqyrady.
13 qyrkúıekte Býrabaı kentinde respýblıkalyq ákeler forýmy, al «Januıa» ortalyǵynda «Otbasylyq qundylyqtar. Genderlik mádenıetti qalyptastyrý» taqyrybyna úzdik bılbord eskızine baıqaý ótkiziledi.
Sonymen qatar kúndiz qalanyń birneshe mektebinde «Áke, ana jáne men – sport súıer januıa» otbasylyq estafetasy ótedi.
21 qyrkúıekte qalanyń oqý oryndarynda Otbasy tárbıesi týraly psıhologııalyq trenıng, al 30 qyrkúıekte balalardyń shyǵarmashylyq jumystarynyń kórmesin ótkizý josparlanǵan.
