Astanalyqtar osy aptada qandaı mádenı jáne sporttyq sharalardy tamashalaı alady
ASTANA. QazAqparat - «QazAqparat» Halyqaralyq aqparat agenttigi Astanada 17-23 qyrkúıek aralyǵynda ótetin mádenıet jáne sporttyq sharalardyń aptalyq sholýyn usynady.
Aıta ketsek, osyǵan deıin jazǵanymyzdaı, qyrkúıektiń sońyna deıin Táýelsizdik saraıynda QR Óner Akademııasynyń «Astana - arman qala» atty qoldanbaly jáne kórkem sýret kórmesi, fotojýrnalıst, jergilikti tarıhshy Nurmuhamat Imamovtyń shyǵarmashylyǵyna arnalǵan kórme, «Aqanaevtar áýleti» atty jeke kórkem kórmesi, «Qasıetti jerlerge saıahat» Pavlodar qalasynyń sýretshiler kórmesi, «Ata zań - el tiregi, Astana - el júregi» Qazaqstan Respýblıkasy Konstıtýtsııasy kúnine oraı kórme, ıAdrolyq synaqtarǵa qarsy halyqaralyq kúnge arnalǵan taqyryptyq kórme ótetin bolady.
17-27 qyrkúıekte «Target shooting club» sport kesheninde stend atýdan «The International Youth Cup» jáne «Grand Prix of Astana» halyqaralyq týrnıri ótkiziledi.
Sonymen qatar, 17-27 qyrkúıek aralyǵynda «Jastar» saraıynda «Mır vkýsnogo meda» kórmesi uıymdastyrylady.
17 qyrkúıek saǵat 10:00-de «Alataý» sport saraıynda gandboldan áıelder komandalar arasynda Qazaqstan Respýblıkasynyń Chempıonaty (Sýper lıganyń 1 týry) bastalady.
17-18 qyrkúıek aralyǵynda Nazarbaev Ýnıversıtetiniń sport kesheninde «Juldyzaı» ІІ Respýblıkalyq spartakıadasy uıymdastyrylady.
18 qyrkúıek kúni saǵat keshki 19:30-da 2018-2019 maýsymynyń QHL chempıonaty «Barys» HK - «Avangard» HK komandalary kezdesedi.
19 qyrkúıek 10:00-de «Dáýlet» sport kesheninde jekpe-jek saıysynan Ulttyq Ulan Bas qolbasshysynyń kýbogyna halyqaralyq týrnıri bastalady.
21 qyrkúıek saǵat 10:00-de Qarttar úıinde múgedekter kúnine arnalǵan «Tike-tires» festıvali (Doıbydan jarys) ótkiziledi.
Dál sol kúni saǵat 14:00-de «Astana Arena» stadıonynda ekinshi Lıga jastar klýbtary arasyndaǵy fýtboldan Qazaqstan Respýblıkasynyń Birinshiliginde «Astana M» - «Jetisý M» komandalary kezdesedi.
22 qyrkúıek 9:00-de Ulttyq ǵylymı kardıohırýrgııa ortalyǵynda qaıyrymdylyq velosherý ótkiziledi.
22-23 qyrkúıek kúnderi Mıchýrıno aýdanynda týrıstik kópsaıystan Astana qalasy Kýbogynyń ІІІ kezeńi jáne «Altyn kúz - 2018» atty ashyq qalalyq týrıstik slet uıymdastyrylady.
22 qyrkúıekte saǵat 10:00-de «Jastar» saraıynda tegin zań keńesteri, «Quqyqtyq saýattylyq» respýblıkalyq aktsııasy, al Qarttar úıinde múgedekter kúnine arnalǵan «Tike-tires» festıvali (shahmattan jarys) ótkiziledi.
23 qyrkúıek kúni saǵat 10:00-de Qarttar úıinde toǵyzqumalaqtan jarys ótkizilse, Qazmedıa Hollda keshki saǵat 20:00-de «Pıknık» tobynyń «Levıtatsııa» atty kontserti bastalady.
