Astanalyqtar online rejimde salyqtyq habarlamany ala alady

ASTANA. 26 shilde. QazAqparat - Astana qalasy boıynsha salyq departamenti Qazaqstan Respýblıkasynda alǵash ret online rejimde jeke tulǵalardyń múlik jáne jer salyqtary boıynsha habarlamany basyp shyǵarý múmkindigin usynyp otyr.

Bul týraly astana.kz saıty jazady.

Endi habarlama kelip túspegen elordalyq salyq tóleýshilerge salyq organyna barýdyń qajeti joq. Salyqtyń kólemi týraly aqparatty kez kelgen ýaqytta www.astananalog.kz Salyq departamentiniń saıtynan bilip, habarlamany úıden shyqpaı-aq basyp shyǵarýǵa bolady.

Bul úshin «Jeke tulǵalardyń múlik jáne jer salyqtary boıynsha habarlamalardy basyp shyǵarý» bóliminiń izdeý toryna jeke málimetterdi (JSN nemese aty, ákesiniń aty, tegi) engizý kerek.

Departamenttiń habarlaýynsha, bıyl jeke tulǵalar múlik jáne jer salyǵyn 2013 jylǵy 1 qazanǵa deıin tóleýi tıis. Salyqty tóleý merzimi ótken saıyn ár kúnge ósimaqy esepteletin bolady.