Astanalyqtar ókpe obyry boıynsha tegin konsýltatsııa ala alady

ASTANA. QazAqparat – 29 shilde kúni Ulttyq ǵylymı onkologııa ortalyǵynda ókpeniń qaterli isikteri profılaktıkasy jáne erte dıagnostıkalaý boıynsha ashyq esik kúnderi ótedi, dep habarlaıdy QazAqparat.

Densaýlyq saqtaý mınıstrliginiń habarlaýynsha, atalǵan shara 1 tamyz – Dúnıejúzilik ókpe obyry kúni qarsańynda uıymdastyrylmaq.

Astana qalasynyń barlyq turǵyndary men qonaqtary saǵat 9.00-den 13.00-ge deıin onkolog, hırýrg dárigerlerden tegin joǵary bilikti konsýltatsııa ala alady.

«Biz halyqty obyr, qaterli isikterdiń qaýpi men onyń damý faktorlary, erte dıagnostıkalaý múmkindikteri jáne ókpe obyryn ýaqtyly anyqtaý týraly habardar etkimiz keledi. Ózińizben birge jeke kýáligińizdi, burny jasalǵan medıtsınalyq qorytyndylardy, klınıkalyq-zerthanalyq zertteýler nátıjelerin ala kelińiz», - dep jazylǵan mınıstrlik habarlamasynda.

Dárigerler konsýltatsııasy tek qana aldyn ala jazylý arqyly júredi.