Astanalyqtar nóser jaýynnyń sýynan balyq «aýlady» (VIDEO)
ASTANA. QazAqparat - Búgin, 6 shilde - Astana qalasynyń týǵan kúninde elordada ádetinshe, aıaq astynan nóser jaýyp ótti.
Halyq bul jaýyndy nurǵa balasa, al, áleýmettik jelilerdegi belsendi azamattar jaýyn saldarynan sý basqan kóshelerdi vıdeoǵa túsirip, jelide taratyp jatyr.
Keıbir turǵyndar «Astana - 18 jasqa tolyp jatyr ǵoı, 18 jastaǵy boıjetken sııaqty, boıyndaǵy jaqsy da jaman minezderin kórsetip jatyr» degen jazba qaldyrýda.
Al, «Qazmedıaortalyq» qyzmetkerleri sý basqan D.Qonaev kóshesine shyǵyp, Astananyń týǵan kúnin qaljyńǵa aınaldyrdy. Jýrnalıst Maralbek Saǵyndyqov qolyna qarmaq alyp, balyq aýlap júr. Mine, syry men jyry bitpeıtin Astananyń týǵan kúni san túrli qyzyqqa toly ótýde.
