Astanalyqtar medıtsınalyq qyzmetti QR kod arqyly baǵalaı alady
ASTANA. QazAqparat - Elordada densaýlyq saqtaý mekemeleri men dárigerlerdiń qyzmetin baǵalaıtyn jańa aqparattyq júıe enzililýde, dep habarlaıdy QazAqparat tilshisi.
«Búginde Astanadaǵy barlyq medıtsınalyq mekemelerde QR kod ornatylýda. Ol arqyly em alýshy saýalnama bólimine ótip, sol mekemede kórsetilgen qyzmet týraly pikir qaldyryp, baǵasyn bere alady. Sonyń nátıjesinde árbir mekeme qyzmetine taldaý jasalyp, reıtıngi qurylady», - dedi Astana qalasy Qoǵamdyq densaýlyq saqtaý basqarmasynyń basshysy Qamaljan Nádirov ákimdik otyrysynda.
Onyń aıtýynsha, atalǵan jańashyldyq medmekemelerdiń qyzmettik kórsetkishin onlaın rejımde monıtorıng jasaýǵa kómektesedi. Odan bólek, Smart Astana qosymshasy arqyly qabyldanatyn pikirler negizinde dárigerlerdiń de reıtıngi jasalady.
«Eskeretin dúnıe, saýalnama dárigerlerdiń tikeleı kásibı tájirıbesi men quzyretine qatysty emes. Basty nazar olardyń medıtsına qyzmetkeri retindegi etıkasyna aýdarylady. ıAǵnı, dáriger patsıentti qabyldaý kezinde oǵan tıisti nazar aýdaryldy ma nemese qandaıda bir dóreki áreket kórsetpedi me degen maǵynada. Sol sııaqty medıtsınalyq qyzmet kórsetýdiń sapasyn kóterý maqsatynda, biz emdelýshiniń qaýipsizdigin qamtamasyz etýdiń halyqaralyq standartyn engizýdemiz», - dedi ol.
Sonymen qatar, basqarma basshysy qaladaǵy iKomek jedel áreket etý ortalyǵyna medqyzmetkerlerdiń beıádep áreketine qatysty 68 shaǵym túskenin aıtyp ótti.
«Jyl basynan beri 465 myń adam qaladaǵy emhanalar qyzmetine júgindi, 25 myń adam statsıonarlyq jaǵdaıda emdeldi jáne 50 myń ret jedel járdem kómegi shaqyryldy. Osylaısha ústimizdegi jyldyń qańtar aıynda elordalyqtarǵa 540 myń medıtsınalyq kómek kórsetildi», - dedi Q.Nádirov.
