Astanalyqtar lıft kartasyn Telegram arqyly toltyra alady

ASTANA. QazAqparat - Astanada lıft kartalaryn Telegram arqyly toltyrý qyzmeti iske qosylady. Bul týraly Facebook-te «Astana Innovation» AQ basqarma tóraǵasy Oljas Sartaev jazdy, dep habarlaıdy QazAqparat tilshisi. 

«Biz Telegram messendjerindegi elordalyq chat-bot arqyly Https://t.me/smartastana_bot lıft kartalaryndaǵy ballansty toltyrý men tóleýdi júzege asyrý qyzmetin iske qospaqshymyz. Endi árbir karta qoldanýshysy Smart Astana chat-boty arqyly óz ballansyn tekserip, ony toltyra alady. Ony bank kartasy arqyly da, uıaly baılanys arqyly da toltyrýǵa bolady. Bári ońaı», - dep jazdy ol.

Onyń aıtýynsha, qazirgi tańda úsh lıft kompanııasy - «Elorda-servıs», «Saryarqalıft», «EsilLıftProm» qosylǵan. Qalǵan segiz kompanııa qosylý ústinde.

«Aldaǵy bir-eki aıda chat-bot arqyly taǵy birneshe tólem servısin qosamyz. Qazir elordalyq chat-botty jasandy ıntellekt ereksheligine úlestirip jatyrmyz. Chat-bot úırenip, algorıtmdi esine saqtaýda», - dedi ol.