Astanalyqtar qurmet qaraýyl rotasynyń qarý qoldanýdaǵy ónerin tamashalady (FOTO)
Búgin Astana qalasynda qala turǵyndary men qonaqtary úshin Qazaqstan Rsepýblıkasy Memlekettik kúzet qyzmetiniń Konstıtýtsııa kúniniń 20-jyldyq mereıtoıyna jáne Qazaq handyǵynyń qurylǵandyǵyna 550-jyl tolýyna oraı uıymdastyrylǵan qurmet qaraýyl rotasynyń jáne Prezdenttik úrmeli orkestriniń plats-kontserti ótti.
Úrmeli orkestrdiń oryndaýynda kórermen nazaryna A. Bestybaevtyń «BeST» kontserttik monogrammasy men E.Rahmadıevtyń «Daırabaı» shyǵarmalary, sonymen qatar 80-jyldardaǵy kópshiliktiń súıikti ánderine aınalǵan shyǵarmalary usynaldy.
Kórermen qaýym sondaı-aq, qurmet qaraýyl rotasynyń daıyndaǵan arnaıy saptyq júrý men qarý qoldanýdaǵy túrli amaldardan turatyn jańa baǵdarlamasyn tamashalady.
Bul baǵdarlamamen áskerı qyzmetshiler qyrkúıek aıynda Máskeý qalasynda Qyzyl alańda ótetin jyl saıynǵy halyqaralyq áskerı-mýzykalyq «Spasskaıa bashnıa» festıvalinde óner kórsetpek. Festıvaldiń bıylǵy jylǵy taqyryby Uly Otan soǵysyndaǵy Jeńistiń 70-jyldyǵyna arnalady.
Dástúrge aınalǵan áskerı defıle respýblıkamyzdyń eń elıtalyq áskerı qurylymy Memlekettik kúzet qyzmetiniń ózindik ereksheligi bolyp tabylady. Dástúrli salttardy dáripteı plats-kontsertti uıymdastyrýshylar QR MKQ áskerı qyzmetshileriniń boıyndaǵy áskerı rýhty kúsheıtip, patrıottyq sezimdi arttyrýdy kózdeıdi.