Astanalyqtar kúnine 1 myń tonnaǵa jýyq qoqys tastaıdy
ASTANA. QazAqparat - Astana qalasynyń aýmaǵynan kún saıyn jınalatyn qatty turmystyq qaldyqtar (QTQ) kólemi orta eseppen 969 tonnany quraıdy.
Jalpy qalada 2 myńǵa jýyq arnaıy alańǵa 12 455 konteıner ornalastyrylǵan, dep habarlaıdy QazAqparat elorda ákimdiginiń baspasóz qyzmetine silteme jasap.
«Abattandyrý, sanıtarlyq jabdyqtaý, jınaý jumystaryn uıymdastyrý jáne Astana qalasynyń aýmaǵynda tazalyqty qamtamasyz etý qaǵıdalaryna sáıkes, qatty turmystyq qaldyqtardy jınaý men tasymaldaýdy mamandandyrylǵan uıymdar iske asyrady.
Qala aýmaǵy 24 telimge bólingen. Qazirgi kezde elordada «Astana-Tazartý» JShS (23 telim) jáne «Taza Álem-Astana» JShS (1 telim) QTQ-ny jınaýmen jáne tasymaldaýmen aınalysady. Sonymen qatar, 90-nan astam arnaıy tehnıka jumyldyrylǵan», - dep málimdedi ákimdikten.
Aıta keteıik, QTQ-ny shyǵarý quny elordalyqtar úshin: jaıly sektorda bir turǵynnan aıyna 259,2 teńgeni, jeke sektorda 276 teńgeni quraıdy.
