Astanalyqtar QR Prezıdentiniń saılaýyna qatysýda
ASTANA. QazAqparat - Búgin, 26 sáýirde, Qazaqstan Respýblıkasy Prezıdentiniń saılaýy ótip jatyr. Tańǵy saǵat 07.00 bastap elimizde saılaý ýchaskeleri ashyldy, barlyq saılaýshylar óz daýysyn keshki saǵat 20.00 deıin (jergilikti ýaqyt boıynsha) bere alady, dep habarlady Astana ákiminiń baspasóz qyzmeti.
Astana qalasynyń №104 saılaý ýchaskesinde de QR Prezıdentiniń saılaýy ótýde. Munda jergilikti saılaý komıssııasynyń tóraǵasy Aıman Dúısenovanyń, BAQ ókilderiniń jáne táýelsiz baqylaýshylardyń qatysýymen resmı ashylý ótti. Alǵashqy 50 turǵynǵa, ár júzinshi saılaýshyǵa, UOS ardagerleri men tyl eńbekkerlerine syılyqtar tabystaldy.
Ómirinde birinshi ret daýys berý naýqanyna qatysýshylardyń biri - L.N. Gýmılev atyndaǵy EUÝ stýdenti Ramazan Rymbekov.
- Men bul saılaýǵa qatysyp otyrǵanyma qýanyshtymyn. Eń aldymen men turaqtylyq pen Qazaqstannyń gúldenýi úshin daýys beremin, - dedi Ramazan.
Atap óteıik, Astana qalasynda 254 saılaý ýchaskesi tirkelgen, olardyń 189 jergilikti jerde, 65 sheteldik elshilikterde. Astana qalasynda 400 myńnan astam saılaýshy tirkelgen.
