Astanalyqtar qalalyq qyzmetterdiń reıtıngin anyqtaıdy
ASTANA. QazAqparat - Búgin Astana ákimdiginde qala basshysy Ádilbek Jaqsybekovtiń tóraǵalyǵymen kezekti apparat otyrysy ótkizildi. Bul týraly elorda ákimdiginiń baspasóz qyzmetinen habarlady.
Ákim astanalyqtardy beıjaı qaldyrmaıtyn eń mańyzdy jáne ózekti máselelerge toqtaldy. Atap aıtqanda, quqyq qorǵaý organdarynyń, sonyń ishinde kóshi-qon jáne jol polıtsııasynyń jumysyna kóp eskertý jasalady. «Qaladaǵy jarnama keńistigi, dańǵyldardyń jáne alańdardyń jaryqtandyrylýy da tıisti deńgeıge saı emes. Tıisti qyzmetter qalanyń estetıkalyq kelbetimen áli de jumys isteýi kerek», - dedi qala basshysy.
Á. Jaqsybekov jergilikti klımat jaǵdaılaryna beıimdelmegen avtobýs aıaldamalaryn synǵa aldy. Onyń ústine, olardyń basym bóligi estetıkalyq jáne arhıtektýralyq normalarǵa saı emes.
Budan basqa, elorda ákimi ózge de birqatar máselelerdi qozǵap, tıisti qalalyq qyzmetterdiń turǵyndardyń ótinish-tilekterine resmı qaraıtyndaryn, jaı ǵana hat almasýmen aınalysatyndaryn atap ótti. Osyǵan baılanysty Á. Jaqsybekov barlyq qalalyq qyzmetterdiń jumystarynyń tıimdiliginiń reıtıngin engizýdi tapsyrdy, azamattardyń ótnishteriniń sany baǵalaýdyń basty krıterııi bolmaq.
Aıta keteıik, Kommýnaldyq sharýashylyq basqarmasy men vedomstvoǵa qarasty qyzmetterdiń qala kóshelerin jınaý boıynsha jumystary turǵyndardyń oń pikirine ıe boldy. Bir táýliktiń ishinde 32 myńnan astam qar polıgonǵa shyǵaryldy. Salystyryp kóreıik, Almatyda táýlik ishinde 7 myń tekshe qar shyǵaryldy, bul Astanamen salystyrǵanda 5 esege az.
