Astanalyqtar qalalyq damý akseleratorynyń jumysyna belsene qatysýda
NUR-SULTAN. QazAqparat – Taıaý kúnderi kondomınımým turǵyndarynyń kóptegen problemalary: kólik, qalany sanıtarlyq tazartý jáne basqa da máseleler damý akseleratorynyń kómegi arqyly elordanyń belsendi turǵyndarynyń aralasýymen birlesip sheshiletin bolady, dep habarlaıdy elorda ákimdiginiń resmı saıty.
Astanalyq Gýlıa Ábdirova akselerator týraly áleýmettik jeliden bilgen.
«Akselerator týraly feısbýkten bildim. Onyń problemany 100 kúnniń ishinde sheshý týraly usynysy unady. Óz ótinishimdi jiberdim, jaýap retinde meni kezdesýge shaqyrdy», - dedi ol.
Gýlıa Ábdirovanyń ereksheligi - ómirlik ustanymy, máselege beı-jaı qaramaıtyny. Ol zor qulshynyspen qalalyq jobaǵa qatysýda.
«Adamdar júrgen jeriniń bárinde shaǵym aıtady. Biraq qalaı jaqsartýǵa bolady degen óz ıdeıasy, jobasymen bólisýge bolady ǵoı. Men osy múmkindikti paıdalanyp, topqa qosyldym. Qala bıligi turǵyndarmen tikeleı jumys isteıtini óte jaqsy, sebebi, biz – búkil qyzmetterdiń alatyn sońǵy tutynýshymyz. Pikir almasyp, ózara tyǵyz baılanys baryn kórý - qýanysh», - dep qosty ol.
Gýlıanyń ustanymyn elordanyń taǵy bir turǵyny Gýlvıra Ábetova da bólisip otyr.
«Men PIK problemalarynyń tobyna múshemin. Jekelegen problemalardy akseleratordyń kómegimen sheshýge bolady dep esepteımin. PIK problemalaryna nazar aýdarylsa eken», - deıdi Gýlvıra Ábetova.
Qalalyq damý akseleratory – ol ákimdiktiń turǵyndarmen ashyq jumys isteý formaty, elordanyń belsendi turǵyndarynyń qala tirshiligine qatysty máselelerdi baǵynyshty qurylymdar jáne jeke kompanııalarmen birlesip jumys isteıtin biryńǵaı alań.
Onyń qyzmetiniń nátıjeleri resmı saıtta jáne Smart Astana mobıldi qosymshasynda jarııalanady.
