Astanalyqtar qaladaǵy máselelerdi sheshýge óz úlesin qosa alady
«Nur-Sultan akseleratory» atty joba qalanyń mańyzdy turmystyq-áleýmettik máselelerin turǵyndardyń qatysýymen birige otyryp sheshýge arnalǵan.
«Búgin biz qalalyq akseleratordyń jumysyn resmı túrde bastadyq. Akseleratordyń jumysy astanalyqtar úshin mańyzdy bolyp tabylatyn úsh suraq boıynsha jumys isteıdi. Jáne onyń jumysyna elordanyń eń belsendi turǵyndary tikeleı qatysýda. ıAǵnı belsendi turǵyndar máseleni ońtaıly sheshýge qatysty óz usynystary jáne ıdeıalarymen bólisedi. Biz óz kezegimizde elorda turǵyndary úshin mańyzdy bolyp tabylatyn kún tártibindegi úsh máseleni aldyq. Ol aldymen qoǵamdyq kólik máselesi. Ózderińiz bilesizder, elorda halqy kún sanap artyp keledi, jyl saıyn bas qalamyzǵa 50 myńnan astam jańa turǵyn keledi. Bul óz kezeginde qoǵamdyq kóliktiń jumysyna óz áserin tıgizedi. Ekinshiden, PIK-tiń jumysy. PIK-tiń qyzmetine qatysty ákimdikke kúnge kóptegen aryz-shaǵymdar kelip túsedi. Endigi ýaqytta akselerator baǵdarlamasy aıasynda belsendi turǵyndar men sala mamandary bul máseleni sheshimin birlese qarastyratyn bolady. Úshinshiden, qala tazalyǵy. Ásirese qystygúni kóshelerdiń qaryn tazalaý máselesi men odan da basqa tazalyqqa qatysty suraqtardy qalaı sheshýge bolatynyn turǵyndardyń ózderi usynatyn bolady», - dedi Nur-Sultan qalasy ákiminiń orynbasary Malıka Bekturova «Seedspace Nur-Sultan» ortalyǵynda ótken jıyn barysynda.
Onyń aıtýynsha, atalǵan jobaǵa qatysýǵa 100-den astam elordalyq belsendi turǵyn nıet bildirgen.
«100 kúnnen soń akserelator músheleriniń qorytyndy jıyny ótedi. Onyń quramynda belsendi qala turǵyndarymen qatar quzyrly organdardyń qyzmetkerleri bolady. Jumys toby berilgen ýaqyt ishinde ózderine berilgen qalaı sheshýge bolatyndyǵyn usynatyn bolady. Ákimdik óz kezeginde barlyq usynystar men ıdeıalardy tyńdap, talqylap, úzdik degenin júzege asyratyn bolady», - dedi ol.
Qala ákimi orynbasarynyń málimdeýinshe, arnaıy qurylǵan jumys toby atalǵan úsh máseleniń ońtaılandyrý jolyn 100 kúnniń ishinde sheshýi tıis.
