Astanalyqtar Golovkın-Alvares boks keshin úlken ekran arqyly tamashalaýda

ASTANA. QazAqparat – Elordada qazaqstandyq kásipqoı boksshy Gennadıı Golovkın men meksıkalyq Saýl Kanelo Alvarestiń jekpe-jeginen tikeleı kórsetilim «Qazmedıa» ortalyǵynda ótip jatyr, dep habarlaıdy QazAqparat tilshisi.

Tań ata jınalǵan GGG jankúıelerler tikeleı kórsetilimdi úlken led ekran arqyly tamashalaýda. Kelýshilerdiń kóńil-kúıi kóterińki jáne qoldarynda memlekettik tý bar.

Uıymdastyrýshylardyń aıtýynsha, Gennadıı Golovkınniń jekpe-jegin ashyq kórsetilim arqyly tamashalaýǵa shamamen 600 adam jınalǵan.

«Jekpe-jekti asyǵa kúttim. Genanyń jeńisine senimdimin, degenmen qobaljý bar. Onyń kásibıligi men deńgeıine eshkimniń kúmáni joq. Boks keshin tamashalaýǵa dostarymmen keldim. Gennadııdiń barlyq jekpe-jegin jibermeı kóremiz. Ádet boıynsha kelip turmyz. Kórermenderdiń esinde qalatyn boks keshi bolady degen oıdamyn. Árıne, Genaǵa jeńis tileımin. Alǵa GGG, Qazaqstan senimen birge!», - dedi ashyq kórsetilimdi tamashalaýǵa kelgen astanalyq Sabyr Qadyrjanov.

Eske salsaq, «GGG-Kanelo» trılogııasyn «Qazaqstan» jáne «Qazsport» telearnalary tikeleı efırde kórsetip jatyr.

Golovkın-Alvares boks keshinde taǵy bir qazaqstandyq óner kórsetedi. 27 jastaǵy Álı Ahmedov amerıkalyq Gabrıel Rosadony (26-15-1, 15KO) jeńdi.

Golovkın boxingnews24.com saıtyndaǵy suhbatynda jankúıerler qalasa, Saýl Alvarespen tórtinshi jekpe-jekke shyǵýǵa ázir ekenin málimdegen.