Astanalyqtar Frantsýz kınosynyń festıvalin tamshalaıdy
ASTANA. 27 naýryz. QazAqparat - Birneshe eldiń elshiligi elorda turǵyndary úshin kóktemgi syılyq ázirledi. Astana turǵyndary men qonaqtary birneshe kún boıy eýropa kınosyn tamashalaıtyn bolady.
Bul týraly astana.kz saıtyna Astana qalasyndaǵy Frantsýz Alıansynyń baspasóz qyzmeti málim etti.
«Frantsýz tilinde sóıleıtin Belgııa, Kanada, Rýmynııa, Frantsııa jáne Shveıtsarııa sııaqty memleketter Frankofonııa merekesi qurmetine osyndaı kınolardy kórsetýdi uıymdastyryp otyr», - dep atap kórsetti uıymdastyrýshylar.
Kınomarafon Qazaqstannyń: Almaty, Qaraǵandy, Shymkent jáne Qostanaı tárizdi birneshe qalasynda ótedi. Astanada Eýropa rejısserleriniń kınofılmderin kórsetý «Saryarqa» kınoteatrynda 31 naýryz ben 4 sáýir aralyǵynda júredi.
Festıval aıasynda:«Lazar myrza», «Baron», «Shaǵyn bólme», «Mahabbat» atty tórt kartınany kórsetý qarastyrylǵan. Bastalýy19.00-de, kirý tegin.
