Astanalyqtar erteń Ǵashyqtar kúnin atap ótedi
ASTANA. QazAqparat - 15 sáýirde Qazaqstanda Qozy Kórpesh pen Baıan Sulý kúni atalyp ótiledi. Ulttyq mereke ǵashyqtar kúniniń balamasy bolyp tabylady jáne Qozy Kórpesh pen Baıan Sulý, Eńlik pen Kebek, Tólegen men Qyz Jibektiń arasyndaǵy shynaıy mahabbattyń sımvoly. Bıyl mereke aıasynda elordada birqatar sharalar uıymdastyrylady, dep habarlaıdy qalalyq ákimdiktiń baspasóz qyzmeti.
Búgin saǵat 20:00-de Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynda «Til tabysqandar» qoıylymy kórsetildi.
Erteń saǵat 11:00-de L.N. Gýmılev atyndaǵy Eýrazııa Ulttyq Ýnıversıtetinde teatr jáne kıno ártisteriniń qatysýymen «Juldyzdy juptarmen júzdesý» atty keshi ótedi.
Sondaı-aq, saǵat 19:00-de «Han Shatyr» saýda oıyn-saýyq ortalyǵynyń «Atrıým» zalynda úlken merekelik kesh uıymdastyrylmaq. Kontsertke Qazaqstan estrada ánshileri qatysyp, jas jubaılardyń nekesi qıylady.
Sol kúni saǵat 21:00-de Ǵashyqtar saıabaǵynda áýe sharlary ushyrylady.
Budan basqa, Facebook jáne Instagram áleýmettik jelilerinde «Eń úzdik mahabbat dastany» taqyrybyna túsirilgen úzdik beınerolık pen Qozy Kórpesh pen Baıan Sulý kúniniń logotıpine baıqaý jarııalandy. Jeńimpazdardyń esimderi erteń belgili bolady.
