Astanalyqtar elordadaǵy qoǵamdyq kóliktiń júıesin jetildirý týraly usynystar engize alady
ASTANA. 22 aqpan. QazAqparat - Bıylǵy jyly Astana qalasynyń ákimdigi qalalyq jolaýshylar kóliginiń júıesin jetildirýdi josparlaýda. Elordanyń jol-kólik ınfraqurylymynyń keńeıtilýine baılanysty 50-den astam aıaldamalar turǵyzylyp, sondaı-aq, 150-ge tarta avtobýstar satyp alynady, dep habarlaıdy qala ákimdigi.
Sonymen qatar, Astana qalasynyń Jolaýshylar tasymaly jáne avtomobıl joldary basqarmasy elordalyq avtoparktiń barlyq baǵdary jelisin qaıta qarap, ońtaılandyrýdy josparlap otyr. Elordanyń resmı saıtynyń jazýynsha, qalalyqtar úshin avtobýs baǵdarlaryn yńǵaıly júıeleý maqsatynda basqarma turǵyndardan qalanyń úsh aýdanyn qamtı otyryp, qazirgi baǵdarlarǵa túzetýler engizý týraly óz oı-pikirlerin uptad@bk.ru elektrondy meken-jaıyna nemese myna telefondar 8(7172) 55-67-48, t/f: 8(7172) 32-26-76 arqyly joldaýdy suraıdy.
