Astanalyqtar dúkennen nan taba almaı júr
ASTANA. QazAqparat - Astanadaǵy dúkenderde eki kúnnen beri nandy ákelmeı júr. Sonyń saldarynan dúken sóreleri bos tur. Al jeltoqsannyń 31-i kúninen qalǵan nandy eshkim alǵysy kelmeıdi, dep habarlaıdy QazAqparat tilshisi.
«Iá, sońǵy ret nandy jeltoqsannyń 31-i kúni ákelgen. Mine, sodan qalǵany - eki bólke. Kesheden beri tur. Eshkim almaıdy. Endi, bizge nan ákelip júrgender - jeke menshik naýbaıhanalar. Olar kesheden beri dem alyp jatyr-aý deımin. Búgin nan kele me,joq pa, ony aıta almaımyn. Kúnine eki ret, tańerteń jáne keshki ýaqytta jańa pisken nandy ákelip júretin», - deıdi Almagúl esimdi dúken satýshysy.
Bes qabatty úıdiń astynda ornalasqan taǵy bir dúkenniń satýshysy Naǵıma da nannyń eki kúnnen beri jetkizilmeı otyrǵanyn rastap otyr. «Sońǵy ret jańa jyldyń aldynda bir ret ákelgen.Sodan beri áli kelgen joq. Dem alamyz degen. Búgin kelmeıdi. Erteń taratýdy bastaıdy-aý deımin», - deıdi ol. Onyń sózine qaraǵanda, usaq dúkenderdiń bári eki kúnnen beri nansyz otyr. Al iri saýda ortalyqtarynda jańa pisken nan bar. Sebebi ondaı jerlerde naýbaıhanalar demalyssyz isteıdi.
Degenmen, astanalyqtar naýbaıhanalardyń bárine birdeı nan taratqan durys dep sanaıdy. Óıtkeni keıbir jerlerde iri saýda ortalyqtary shalǵaı ornalasqan. «Men tań atqannan beri 4-5dúkendi aralap shyqtym. Bárinde de nan joq. Bolsa da, qatyp qalǵan. Amal joq. Saýda ortalyǵyna avtobýspen bardym. Biraq ol jerde naýbaıhana joq. Nandy aldym. Qańtardyń 2-si kúni dep jazylǵan. Biraq onyń ózi búgin pisken nanǵa uqsamaıdy», - deıdi Nurlan esimdi qala turǵyny.
