Astanalyqtar Býrabaıǵa jappaı aǵylyp jatyr

NUR-SULTAN. QazAqparat – «Nur-Sultan - Şýche» tas joly ashyq ári shtattyq rejımde jumys istep tur. Bul týraly «QazavtoJol» kompanııasynan málim etti, dep habarlaıdy QazAqparat tilshisi.

Aıta keterligi, áleýmettik jeli qoldanýshylarynyń biri Býrabaı baǵytyndaǵy tas jolda kólikterdiń kóp jınalyp, keptelis oryn alǵandyǵyna shaǵymdanǵan bolatyn.

«Nur-Sultan - Şýche» tas jolyn dál mereke kúnderi nege jaýyp tastaǵan? Eshqandaı eskertý bolmady. Eki saǵat boıy qozǵalyssyz turmyz», - dep shaǵyndandy jeli qoldanýshysy.

Osyǵan oraı «QazAvtoJol» UK» AQ atalǵan jolda oryn alǵan jaǵdaıǵa baılanysty jaýap berip, tas joldyń shtattyq rejımde jumys istep turǵandyǵyn atap ótti.

«Respýblıkalyq mańyzy bar atalǵan jol ashyq, júrip ótý qamtamasyz etilgen. Bul jolda joǵary qarqyndylyq baıqalady», - dep atap ótti «QazAvtoJol» baspasóz qyzmetinen.

Kompanııa málimetinshke, qazirgi ýaqytta elimizdegi barlyq respýblıkalyq mańyzy bar joldar ashyq.

«Atalǵan joldaǵy avtomobılderdiń jınalyp qalýy jáne joǵary qarqyndylyq turǵyndardyń mereke kúnderi qala syrtyna demalýǵa shyǵýymen baılanysty bolyp tur. Barlyq jol shtattyq rejımde jumys isteýde», - dedi kompanııadan.