Astanalyqtar bir kúnde 100 tonnaǵa jýyq qoqys jınady
ASTANA. QazAqparat – Senbi kúni Astanada «Tabıǵatta qoqysqa jol joq!» atty jalpyulttyq ekologııalyq aktsııasy aıasynda aýqymdy senbilik ótti, dep habarlaıdy QazAqparat qala ákimdiginiń resmı saıtyna silteme jasap.
Elordanyń «jasyl beldeý» aýmaǵynda jáne barlyq aýdandarynda jalpy aýmaǵy 385 gektardan asatyn saıabaqtar men skverlerde qoqystan tazartý jumystary júrgizildi.
Nátıjesinde 100 tonnaǵa jýyq qoqys jınalyp, qala polıgonyna shyǵaryldy.
Aktsııaǵa 3 600-den astam adam, onyń ishinde memlekettik organdardyń qyzmetkerleri, kommýnaldyq kásiporyndar, turǵyndar, ekovolonterler, qoǵamdyq uıymdar, ujymdar men memlekettik mekemelerdiń qyzmetkerleri qatysty.
Ekologııalyq shara aıasynda óskeleń urpaqqa arnalǵan konkýrstar, atap aıtqanda armrestlıng, arqan tartý, gir kóterýden sporttyq oıyndar jáne qaldyqtardy bólek jınaý taqyrybynda vıktorınalar ótkizildi. Jeńimpazdarǵa alǵys hattar men syılyqtar tabys etildi.
Jalpy bıyl ekologııalyq aılyqtarǵa 261 myń adam jáne 18 myń uıym qatysty, 6 myń tonna qoqys jınaldy. Jalpy aýdany 655,2 ga bolatyn jerge 29 myńnan astam aǵash otyrǵyzylyp, saıabaqtar men skverler tazartyldy.
Sondaı-aq «Birge – taza Qazaqstan» ekosharasy sheńberinde kommýnaldyq senbilikter josparlanǵan. 15 qazanǵa deıin ár senbi saıyn 10 myńnan astam jasyl jelek otyrǵyzý kózdelgen.
