Astanalyqtar «Báıterektiń» astyndaǵy úńgirdi kórý múmkindigine ıe boldy
ASTANA. QazAqparat - Astana kúni qarsańynda nemis sýretshisi Edgar Mıýller «Báıterek» kesheniniń birneshe qabat jer astyndaǵy úńgiriniń beınesin salyp shyqty.
3D fortmatynda salynǵan týyndy astanalyqtar men qala qonaqtarynyń nazaryn birden ózine aýdardy. Úńgir ishinen «zamartas» (ızýmrýd) asyl tasyn kórýge bolady.
Edgar Mıýller 1968 jyly Mıýlhaım-na-Rýre degen qalada dúnıege kelip, Germanııanyń batysyndaǵy Shtrelen degen shaǵyn qalada ósken. Jasynan sýret salýmen aınalysqan eken. Kóptegen halyqaralyq baıqaýlardyń laýreaty. Oǵan 1998 jyly «kóshe sýretiniń sheberi» degen ataq ta berilgen. Negizinen kartınalardy 3D formatynda asfaltqa salady, sol arqyly serýendep júrgen adamdardyń erekshe tańdanystaryn týdyrýmen keledi. Ǵalamtordan onyń kóptegen qalalardaǵy tek qana adamdar serýendeýge arnalǵan kóshelerge salǵan nebir ǵajap týyndylaryn kórýge bolady.
Osy kúnderi astanalyqtar men qala qonaqtary Edgar Mıýller salǵan kartınanyń tusynda sýretke túsip, erekshe tańǵalǵandaryn bildirýde. Atalǵan sýret Nurjol jelekjoly men Orynbor kóshesiniń qıylysqan tusynda salynǵan.
Ǵajap sýretti alǵash kórip, fotoǵa túsirgen jýrnalıst Jiger Baıtilesov ekenin aıta ketkenimiz jón.
