Astanalyqtar az aýyra bastady
ASTANA. 21 jeltoqsan. QazAqparat - Dárigerler elordalyqtar arasynda syrqattaný deńgeıiniń tómendegenin belgileýde.
Bul týraly Densaýlyq saqtaýdy damytýdyń respýblıkalyq ortalyǵynan habarlady.
Usynylǵan málimetterge sáıkes, 2012 jyldyń 11 aıy ishinde alǵash tirkelgen syrqattar sany ótken jyldyń atalmysh kezeńimen salystyrǵanda 6,4 paıyzǵa azaıdy. Bul rette, elorda turǵyndary arasynda naýqastanýdyń tómendeýi aýrýdyń barlyq túrleri boıynsha tirkeldi.
Máselen, astanalyqtardyń qan aınalymy júıesiniń syrqattarymen qaralýy 20 paıyzǵa azaıdy, sonyń ishinde júrektiń ıshemııalyq aýrýlary - 56 paıyz, qan qysymynyń joǵarylaýy - 13,2 paıyz.
Dárigerler týberkýlez ben psıhıkalyq aýytqýlarǵa shaldyqqandardy sáıkesinshe 21,3 paıyzǵa jáne 2 paıyzǵa, qaterli isikterdi - 1 paıyzǵa, jynys joldarymen beriletin syrqattary barlardy - 47 paıyzǵa, anemııamen - 9,2 paıyzǵa az tirkedi.
Bul rette, atalǵan syrqattardan bolatyn ólim kórsetkishiniń azaıǵany da baıqaldy. Máselen, qan aınalymy júıesinen kóz jumǵandar sany - 22 paıyzǵa, týberkýlezden - 25,5 paıyzǵa, qaterli isikterden 10 paıyzǵa azaıdy.
Mamandardyń pikirinshe, elordalyqtardyń densaýlyq jaǵdaıyn jaqsartýǵa udaıy júrgiziletin skrınıngilik tekserýler septigin tıgizdi.
