Astanalyqtar aı saıyn túrik fılmin tegin kóre alady
ASTANA. QazAqparat - 28 qazanynda Astanada «120» atty túrik fılminiń tegin kórsetilimi bolady, dep habarlaıdy QazAqparat túrik mádenıet ortalyǵyna silteme jasap.
28 qazanda baýyrlas Túrkııa Respýblıkasynyń qurylǵanyna 94 jyl, al Qazaqstan men Túrkııa arasyndaǵy dıplomatııalyq qarym -qatynastyń ornaǵanyna 25 jyl tolady.
Astanadaǵy ıÝnýs Emre atyndaǵy túrik mádenıet ortalyǵy 2017 jyly boıynsha osy ataýly oqıǵalarǵa oraı, Túrkııa elshiliginiń qoldaýymen «Túrik fılmderin aı saıyn kórsetý» sharasy sheńberinde uıymdastyryp keledi. Astanalyq kúnosúıer qaýym shara aıasynda aı saıyn bir túrik fılmin tegin tamashalaı alady.
Ótken aı Qazaqstandyqtar jaqynnan tanıtyn Býrak Ózchıvıt basty rolin somdaǵan «Mahabbat saǵan uqsaıdy» atty týyndyny tamashalaǵan bolatyn.
Qazan aıynda ıÝnýs Emre atyndaǵy túrik mádenıet ortalyǵy "120" atty bolǵan oqıǵa izimen túsirilgen kınokartınany týystas el kórermenderine usynady. Qarǵa jazylǵan shynaıy ańyz jelisimen túsirilgen fılmniń rejısseri- Ózhan Eren. Basty rolderdi Býrak Sergen, Ózge Ózberk, Jansel Elchın sııaqty tanymal túrik akterleri somdaǵan. «120» fılminiń kózi qaraqty kınosúıer qaýym jaqsy tanıtyn «Jaýjúrek myń bala» fılmimen mazmundas tustary da mol.
Astanada tusaýy kesiletin týyndyda 1915 jylǵy jaǵdaı sýretteledi. Birinshi dúnıejúzilik soǵystyń bastalǵan kezi...Túrik armııasynyń qarý -jaraq qory bitýge jaqyn, shekaraǵa shuǵyl túrde Vandaǵy qoımadan oq-dári jetkizilýi tıis. Eresekter maıdanda bolǵan soń bul mindetti 12-17 jasar 120 jetkinshek óz moıyndaryna alady. Olardy serjant Musa men sanaýly ǵana ásker bastap jolǵa shyǵady. Jolda kóptegen shabýylǵa ushyrasa da shekaradan kelgen leıtenant Súleıman men áskerlerdiń kómegimen qarý dittegen jerge jetkiziledi. Joldaǵy aıqasta leıtenant Súleıman qaza tabady. Jaýjúrek 120 jetkinshektiń 22 -nen basqasy sháıit bolady. Jastaryna qaramastan otan úshin shybyn janyn shúberekke túıgen balalardyń attary esimsiz qaharmandar retinde tarıhqa jazylyp qaldy.
