Astanalyqtar avtobýspen jyldam júretinin túsindi - ákim
ASTANA. QazAqparat - 2020 jyly jeńil relsti kólik júıesi iske qosylady. Bul týraly búgin qala halqynyń aldynda esep bergen Astana ákimi Baqyt Sultanov aıtty, dep habarlaıdy QazAqparat tilshisi.
«Negizgi 107 kóshe qıylysy «aqyldy baǵdarshamdarmen» jabdyqtaldy. Olar shynaıy ýaqytta jol legin ońtaılandyrady. Qoǵamdyq kólik pen taksıge arnalǵan 77 shaqyrym arnaıy jol belgilendi. Aıtpaqshy, bul bizdiń keleshektegi basymdyǵymyz bolmaq. Avtomobılmen júretinderge bul unasa da, unamasa da bul tsıfrdy kóliksiz azamattardyń múddesi úshin ulǵaıtatyn bolamyz. Olar 700 myń adam jáne bir jylda 317 mln ret jol júrdi. Adamdar tez jetkiń kelse, avtobýspen júrý kerektigin túsindi», - dedi qala basshysy.
Onyń aıtýynsha, aldaǵy ýaqytta Kóktal, Agroqalashyq, Ońtústik-Shyǵystyń oń jaǵy, Óndiris turǵyn úı alaptaryndaǵy 51 kóshege 27 shaqyrym asfalt tóseletin bolady.
«2020 jyly jeńil relsti kólikti aıaqtaımyz. Sol jyly shaǵyn aınalma jol da paıdalanýǵa beriledi. Qysqasy joldarymyz jaqsarady», - dedi B.Sultanov.
