Astanalyqtar Aýǵan soǵysynyń qurbandaryn bir mınýttyq únsizdikpen eske aldy
ASTANA. 7 mamyr. QazAqparat /Arman Asqarov/ - Búgin, Otan qorǵaýshylar kúnine oraı Astanadaǵy Aýǵan soǵysy eskertkishine gúl shoqtaryn qoıý rásimi ótti.
Іs-sharanyń resmı bóliminde Halyq kaharmany, general-maıor Baqytjan Ertaev sóz sóılep, barsha jınalǵan qaýymdy búgingi merekemen quttyqtady. «Qazaq halqynyń ata-babalary batyrlyqtyń dara jolyn salyp ketken. Osy joldy qazaq azamattary Uly Otan soǵysynda, odan keıin Aýǵan soǵysynda da jalǵastyra bildi. Áli esimde, ol kezde 17-18 jasar jigitter bóten elde, jat jerde Otanymyzdyń beıbit ómiri men tynyshtyǵy úshin kúresti. Búgin men sol soǵystan aman qaıtyp, qazirgi kezde jastardy tárbıeleý jumysyna óz úlesin qosyp kele jatqan sarbazdar úshin maqtanamyn. Sebebi búgingi jastar - erteńgi Otan qorǵaýshylary. Búgin biz Aýǵan soǵysynda beıbitshilik pen tynyshtyq úshin opat bolǵan qazaqstandyqtarǵa taǵzym etemiz. Osy beıbitshilik pen tynyshtyqty saqtaı bileıik», - dedi óz sózinde B.Ertaev.
Osydan keıin Respýblıkalyq ulannyń qurmetti qaraýyly Aýǵan soǵysy eskertkishine gúl shoqtaryn qoıyp, jınalǵan qaýym soǵys qurbandaryn bir mınýttyq únsizdikpen eske aldy.
