Astanalyqtar áleýmettik jeli arqyly jumysqa tura alady
ASTANA. QazAqparat - Qalalyq ákimdiktiń jumyspen qamtý ortalyǵy óz jumysynda Facebook, Tvıtter, Instagram jáne VKontakte jelilerin paıdalanýda, bul jelilerge 3 myńnan asa jumyssyz adam jazylǵan, dep habarlaıdy QazAqparat Astana qalasy ákimdiginiń saıtyna silteme jasap.
Astana qalasy ákimdiginiń medıa-ortalyq tilishisine qalalyq jumyspen qamtý jáne áleýmettik baǵdarlamalar basshysynyń orynbasary Sáýle Nurgojına ótken jyly engizilgen «CZ Astana» mobıldik qosymshasyna 5000-nan astam adam júktelgendigin aıtyp bergen.
Mobıldik qosymshalar men áleýmettik jelilerdiń arqasynda paıdalanýshylar eńbek naryǵyndaǵy bos oryndar týraly biledi, kásibı biliktiligin tekserý testinen ótedi, túıindemeni durys toltyrýdy úırenedi, suhbattasqanda jaýap berýge mashyqtanady, jumys berýshiniń quqyqtary men mindetterimen tanysa alady. Sondaı-aq, ondajosparlanǵanis-sharalar, kýrstar, bos oryndar jármeńkesi, sheberlik synyptar tizimi bar.
Budan bólek jyl basynan beri 4 jumys bos oryndar jármeńkesi ótkizilgen, sonymen qatar múmkindigi shekteýli jandarǵa arnalǵan 2 jármeńke uıymdastyrylǵan.
Elordanyń jumyspen qamtý ortalyǵynyń málimetinshe, jyl basynan beri (30 mamyrǵa deıin) 6732 adam jumys surap kelgen. Qazirgi ýaqytta ótinish bildirgenderdiń 36,7% , dálirek aıtqanda, 2471 adam jumyspen qamtyldy. Bulardyń ishinde 125 adam áleýmettik jumys oryndaryna jáne bilim mekemeleriniń 355 túlegi jastar tájirıbesinen ótýge jiberilgen. Qoǵamdyq jumystarǵa 1029 azamat qatysady, al 185 adam arnaýly kásibı daıarlyqtan ótýde.
Budan bólek, múmkindigi shekteýli 254 adam jumysqa turǵyzylǵan. Onyń 27-situraqty orynǵa, 2-eýi jastar tájirıbesine, 5-eýi áleýmettik jumysqa jáne 190 adamaqy tólenetin qoǵamdyq jumystarǵa jumyldyryldy. Sondaı-aq 4 adam qysqa merzimdi kásibı oqý kýrsynan ótip jatyr. Jumysqa ornalasý boıynsha keńes beretin ortalyqtar Astananyń 3 meshiti men «Alaı» bazarynda ashyldy. Naýryz aıynan bastap ortalyq mamandary HQKO men Astananyń eki saýda úıinde ornalasqan.
Aıta keteıik, qazirgi tańda Astana qalasy jumysssyzdyq deńgeıi tómendigi boıynsha aldyńǵy orynda, respýblıkalyq kórsetkishten 0,3% tómen. 2017 jyldyń 1 jarty jyldyǵynda jumyssyzdyq deńgeıi 4,6% qurady.
