Astanalyqtar aldaǵy aptada qaıda bara alady
ASTANA. QazAqparat -Elorda ákimdiginiń medıa ortalyǵy 20-26 qarasha aralyǵyndaǵy mádenı sharalardyń baǵdarlamasyn usynady.
20 qarashada beıbitshilik jáne kelisim saraıynda «Kazahstan, drýjestvennyı k rebenký» konferentsııasy men kontserti ótedi.
21 qarashada M. Gorkıı atyndaǵy teatr P. Morozovtyń romantıkalyq «Assol» feerııasyn kórermen nazaryna usynbaq.
Dál osy kúni keshke beıbitshilik jáne kelisim saraıynda «Kóńildi tapqyrlar alańy» atty ázil kontserti ótedi.
22 qarashada «Jastar» saraıynda «Meniń Táýelsizdigim - meniń teńdigim, meniń Egemendigim - meniń yntymaǵym!» atty aıtysty, al Qýanyshbaev atyndaǵy teatrda R. Otarbaevtyń «Ámire» dramasyn tamashalaýǵa bolady.
23 qarashada «Astana» kontsert zalynda ótetin «Qaraǵymaı» atty Súleımen Ibragımovtyń shyǵarmashylyq keshine nemese qazmedıa ortalyǵyndaǵy «Jaidarmanlive» ázil keshine barýǵa bolady.
Dál osy kúni keshke M. Gorkıı atyndaǵy teatrda A. Pýshkınniń «Evgenıı Onegın» qoıylymynyń tusaýy kesiledi dep kútilýde.
24 qarashada qazaq ulttyq óner ýnıversıtetiniń organdyq zalynda Astana qalasy memlekettik akademııalyq fılarmonııasynyń ishekti kameralyq orkestriniń «Jas talanttar» atty kontserti uıymdastyrylady.
25 qarashada elorda tsırki astanalyqtar úshin «Velıkıı rýsskıı tsırk» atty shoý baǵdarlamasyn usynady.
Sondaı-aq, bul kúni «Astana» kontsert zalynda kompozıtor E. Abdyqalyqovanyń «Kózderińe ǵashyqpyn» atty shyǵarmashylyq keshi ótedi.
26 qarashada «Astana Operanyń» kameralyq zalynda «I pesnı ýdal, ı romansa grýst» atty kontsert ótedi.
