Astanalyqtar 188 ýchaskeni zańsyz qoqys polıgonyna aınaldyrǵan
Ǵaryshtan jasalǵan monıtorıng nátıjesinde Esil aýdanynda 72 beıbereket qoqys alańy tabyldy. Qazirgi ýaqytta olardyń 20-sy joıyldy, qalǵandary boıynsha jumystar aıaqtalý satysynda.Qurylys kompanııalary 6 myń tonnadan astam qoqys shyǵardy.
Ekologııalyq aılyq pen kommýnaldyq senbilikterdi qosa alǵanda, bıyl barlyǵy 24 500 tonnadan astam qoqys shyǵaryldy.
Nura aýdanynda ruqsat etilmegen 45 oryn anyqtaldy. Onda 30 myń tonnadan astam qoqys úıilgen. Onyń 13-i joıyldy, 10 myń tonnaǵa jýyq qaldyq shyǵaryldy.
Ruqsat etilmegen polıgondardan turmystyq qaldyqtardy shyǵarýǵa 4 qurylys kompanııasy jumyldyrylǵan.
Jyl basynan Almaty aýdanynan 9 350 tonnadan astam (1226 reıs) qoqys shyǵaryldy. «Qazaqstan Ǵarysh sapary» ǵaryshtan jasaǵan sýretter boıynsha ruqsat etilmegen 39 qoqys orny tabyldy. Onyń 38-i joıyldy.
Saryarqa aýdanynda anyqtalǵan 24 orynnyń 20-sy tazartylyp, 15 myń tonna qoqys qala syrtyna shyǵaryldy.
Qurylys qoqystaryn zańsyz shyǵarý faktilerin boldyrmaý úshin ekologııalyq polıtsııa jumyldyrylady.
Málim etilgendeı, bıyl abattandyrý jáne sanıtarııa normalaryn buzýǵa qatysty 605 hattama jasaldy, 5,5 mln teńge somasyna aıyppul salyndy.
«Qazaqstan Ǵarysh saparynyń» sýretteri boıynsha Baıqońyr aýdanynda 22 oryn anyqtaldy, onyń segizi rastaldy. Búginde barlyǵy joıyldy.
Qalada zańsyz polıgondardy joıý jumysy jalǵasyp jatyr. Olardyń arasynda jańa oshaqtardyń paıda bolýyna jol bermeý boıynsha sharalar qabyldanýda.
