Astanalyqtar 17 mlrd teńgeden asa somaǵa tegin dári-dármekpen qamtyldy

ASTANA. QazAqparat - Byltyr astanalyqtar 17 mlrd teńgeden asa somanyń tegin dári-dármekterimen qamtyldy, dep habarlaıdy QazAqparat Áleýmettik medıtsınalyq saqtandyrý qoryna silteme jasap.

2023 jyldyń 1 qańtaryndaǵy jaǵdaı boıynsha Astana qalasynda 207 663 patsıent 939 274 tegin retsept boıynsha 17, 02 mlrd teńge somasyna tegin dári-dármekpen jáne medıtsınalyq buıymdarmen qamtamasyz etildi.

«Olardyń ishinde MÁMS júıesinde dári-dármekpen qamtylǵan balalar: Jiti respıratorlyq ınfektsııamen – joǵarǵy tynys joldarynyń aýrýlary boıynsha – 3 458 bala jáne tómengi tynys joldarynyń aýrýlary boıynsha – 8 547 bala; Temir jetispeýshiligi anemııasymen - 1 343 bala; Rahıt aýrýymen 1004 bala; Pnevmonııamen 2 197 bala; Sınýsıtpen/ badamsha bezi (mındalın) jáne adenoıd aýrýlarymen 645 bala, t.b.

Bizdiń sarapshylar medıtsınalyq qyzmettiń qoljetimdi bolýy jáne onyń sapasynyń jaqsarýy úshin, ıaǵnı patsıent quqyǵy saqtalýy úshin turaqty jumys júrgizedi», – dep atap ótti «Áleýmettik medıtsınalyq saqtandyrý qory» KEAQ elorda fılıalynyń dırektory Nurlybek Qabdyqaparov.