Astanalyqtar 17 qyrkúıekte jalpyqalalyq senbilikke shyǵady
NUR-SULTAN. QazAqparat - Nur-Sultanda 17 qyrkúıek – 15 qazan aralyǵynda «Birge taza Qazaqstan» atty jalpyqalalyq ekologııalyq aktsııa ótedi, dep habarlaıdy QazAqparat elorda ákimdiginiń resmı saıtyna silteme jasap.
Aılyq aıasynda kommýnaldyq qyzmetter men merdiger uıymdar kelesi jumystardy atqaratyn bolady: qoǵamdyq aýmaqtardy kógaldandyrý jáne abattandyrý, kógaldandyrý obektilerin (saıabaqtar, skverler, alleıalar) jóndeý jáne qalpyna keltirý, kvartalishilik abattandyrý, balalardyń oıyn jáne sport alańdaryn jabdyqtaý, tóselgen tastardy, jıektastardy, shaǵyn sáýlet nysandaryn qalpyna keltirý, kópirler men jol ótpeleriniń qurylymdaryn, qorshaýlaryn jýý, aıaldamalardaǵy pavılondardy jóndeý jáne tazalaý, konteıner alańdary men qoqys konteınerlerin sanıtarlyq tazalaý jáne taǵy basqasy.
Sonymen qatar 10 myńnan astam jasyl jelek otyrǵyzý josparlanǵan.
Al 17 qyrkúıek kúni jyl saıynǵy «Dúnıejúzilik tazalyq kúni (World Cleanup Day 2022)» ekologııalyq aktsııasy aıasynda astanada jalpyqalalyq senbilik ótedi.
Aktsııanyń maqsaty – qoǵam nazaryn tabıǵatty saqtaýdyń mańyzdylyǵyna aýdarý jáne ekologııalyq mádenıetti qalyptastyrý.
«Elorda turǵyndary men qonaqtaryn, oqýshylar men stýdentterdi, shaǵyn jáne orta kásipkerlik sýbektilerin, sondaı-aq volonterler men ekologııalyq uıymdardy jalpyqalalyq senbilikke qatysýǵa shaqyramyz», - delingen elorda saıtynda.
