Astanalyq jýrnalıster shaǵyn fýtboldan synǵa tústi
ASTANA. QazAqparat - Atalmysh sharany qala ákimdigi uıydastyrdy. Búgin K. Muńaıtpasov atyndaǵy alańda shaǵyn fýtbol boıynsha ótken oıynǵa 13 komanda men buqaralyq aqparat quraldarynyń 130 ókili qatysty, dep habarlaıdy Astana ákimdiginiń saıty.
«Shaǵyn fýtboldan týrnır buqaralyq aqparat quraldarynyń qyzmetkerleri arasynda kásibı qarym-qatynasty nyǵaıtý, salaýatty ómir saltyn nasıxattaý fýtbol sekildi sport túrine óskeleń urpaqty baýlý maqsatynda ótkiziledi, - dedi Astana qalasynyń ishki saıasat basqarmasy basshysynyń orynbasary Qaırat Qambarov.
Ótkizilgen týrnırdiń bas tóreshisi Daýlet Hamzınniń aıtýynsha, buqaralyq aqparat quraldarynyń ókilderi jarysta myqty komanda quryp, ózderiniń jaqsy daıyndyǵy men qyzyqty oıynyn kórsetti.
«Jyl saıynǵy týrnır bıyl 13 komanda arasynda ótti, jerebe salý boıynsha 4 topqa bólindi. Komandalar aldymen toptyq kezeńde oınap, keıin pleı-off deńgeıine kóshti. Oıyn barysynda BAQ ókilderi arasynan "Habar" telearnasynyń komandasy jaqsy nátıje kórsetip, alǵa shyqty. Sondaı-aq "Qazaq radıosynyń" komandasy qyzyqty tartysta týrnırdiń jeńimpazy atandy. Ala dopty soǵýda sheberlik tanytqan "Elorda Aqparat" komandasy da erekshelene bildi»,-deıdi D. Hamzın.
Týrnırdiń qorytyndysy boıynsha 3-shi oryndy "Habar" telearnasy, 2-shi oryndy "Qazaq radıosy" alsa, 1-shi júldeli orynǵa Respýblıkalyq " Egemen Qazaqstan" gazeti ıe boldy. Oǵan qosa ártúrli atalymdar boıynsha bul komandalar joǵary nátıje kórsetti.
Máselen, komandanyń eń úzdik qaqpa qorǵaýshysy astanalyq "Elorda Aqparat" komandasynyń qyzmetkeri Qýandyq Álimjanov, "QazSport" arnasynyń namysyn qorǵaǵan Ermek Tórenııazov eń úzdik qorǵaýshy atandy. Sondaı-aq "Jeńis" komandasynyń oıynshysy Marǵulan Ibraev shaǵyn fýtbol boıynsha eń úzdik oıynshy atandy.
